Саты

Саты

        Үш жасар қыз әкесінен саты сұрайды. 
Әкесі таңданып: - Сатымен қайда көтерілмексің? - дейді.
Қыз:
- Сатымен бұлттарға жетіп, соның үстінде отырған Аллаһты құшақтаймын! - деп былдырлайды бүлдіршін. 
Әкесі көзіне жас алып, қызын құшақтап:
- Егер Аллаһты құшақтағың келсе, намаз оқы! Сәжде жаса! - деп жауап береді.
Қыз қуанып:
- Сонда сіздің намазда қолыңызды кеудеңізге қойғаныңыз, Аллаһты құшақтағаныңыз ба?! - дейді көзі бал-бұл жанып.
Әкесі:
- Ия, қызым! Кім намазын шын жүрекпен, қол қусырып оқиды, ол адам расымен де Раббысын жақсы көреді. Ол үшін бұлттарға шығудың қажеті жоқ. Намазды тек Аллаһтың сүйген құлдары оқиды! - деді.
         Кішкене бүлдіршін жайнамазды жайып, үстінде рукуғ,  сәжде жасады.  Сосын ойыншықтарымен бірге сол жерде ұйықтап қалды. Аллаһ қыз балаларға ерекше мейірімді...

Гүлмекен Қасенбай
28.12.2025

Әлеуметтік желілерде бөлісіңіз: