Кітап оқу – білім көзі

     Кітап оқу – адамның білімін кеңейтіп, зияткерлік дамуына ықпал ететін кең таралған хоббилердің бірі. Мамандардың зерттеулеріне қарағанда, тұрақты кітап оқитын адамдардың сөздік қоры оқымайтындарға қарағанда 2–3 есе бай болады.

ЮНЕСКО дерегінше, әлемде жыл сайын шамамен 2,2 миллион жаңа кітап жарық көреді. Ал Google ұсынған мәліметке сәйкес, 2023 жылғы есеп бойынша дүниежүзінде 158 миллионнан астам кітап бар. Бұл көрсеткіш кітап өндірісінің қарқынды дамып, оқырман сұранысының жоғары екенін аңғартады.

Зерттеулер тұрақты оқудың сауаттылық деңгейін арттыратынын көрсетеді. Кітап оқу мәтінді түсіну қабілетін 30–40 пайызға дейін жақсартады. Күніне кемінде 20–30 минут оқу есте сақтау қабілетін нығайтып, зейінді арттырады және сыни ойлауды дамытады.

Кітап – тек ақпарат көзі емес, адамның ой-өрісін кеңейтетін, дүниетанымын қалыптастыратын рухани құрал. Үнемі оқу дағдысы тұлғалық өсудің маңызды шарттарының бірі саналады.

“Journiverse” білім беру орталығының оқушысы: Дарханқызы Дина