Қоршаған ортаны қорғау – әр адамның міндеті

     Қоршаған ортаны қорғау – адамзат алдында тұрған ең маңызды міндеттердің бірі. Қазіргі таңда табиғаттың ластануы жаһандық мәселеге айналды. Әлемде жыл сайын 430 миллион тоннадан астам пластик өндіріледі, ал оның тек 9 пайызы ғана қайта өңделеді. Сонымен қатар жыл сайын шамамен 8 миллион тонна пластик мұхиттарға түседі. Мысалы, бір пластик бөтелке табиғатта шамамен 450 жыл бойы ыдырамай сақталуы мүмкін.

Ормандардың азаюы да экологияға үлкен қауіп төндіреді. Ғалымдардың мәліметінше, жыл сайын әлемде шамамен 10 миллион гектар орман жойылады. Бұл құбылыс климаттың өзгеруіне, ауа сапасының төмендеуіне және биоалуантүрліліктің азаюына әсер етеді.

Қоршаған ортаны қорғау үшін әр адам нақты әрекет жасауы керек. Мысалы, пластик қолдануды азайту, қоқысты сұрыптау, электр энергиясын үнемдеу және ағаш отырғызу сияқты қарапайым әрекеттер табиғатты сақтауға көмектеседі.

Қазақстан да экологиялық мәселелерден тыс емес. Арал теңізінің тартылуы, Каспий аймағындағы экологиялық өзгерістер, ірі қалалардағы ауа ластануы сияқты мәселелер табиғатты қорғаудың маңыздылығын көрсетеді. Сондықтан қоршаған ортаны сақтау тек мемлекеттік саясаттың бір бағыты ғана емес, бүкіл қоғамның ортақ жауапкершілігі болуы тиіс. Табиғатты қорғау — мемлекеттің ғана міндеті емес, әрбір азаматтың күнделікті өмір салтына айналуы керек. Суды үнемдеу, қалдықтарды сұрыптау және экологиялық мәдениетті қалыптастыру — тұрақты дамудың маңызды шарттарының бірі. Көп айтылатын бір ой бар: біз табиғатты ата-бабамыздан мұраға алған жоқпыз, оны келешек ұрпақтан қарызға алдық. Сондықтан табиғатты сақтау — тек бүгінгі күннің емес, болашақтың да алдындағы жауапкершілік.

“Journiverse” білім беру орталығының оқушысы: Тұрғынбекқызы Зарина

---