Мен таңдаған мамандық

Ұстаздық ету -әлемдегі  мамандықтың  анасы,

Ұстазынан білім  алып  адамзаттың  оянады  санасы .

Бұл мамандық жемісі мол  бәйтеректің  ағашы,

Сондықтан да қымбат оның алтыннан да  бағасы.

Автор

Қара сөздің қас шебері, халқымыздың ұлы ақыны Абай атамыз:  «Сен де бір кірпіш дүниеге, кетігін тап та бар қалан», - демекші қай қоғам болмасын әрбір азамат «Өмір» атты дүниенің табалдырығын аттағаннан кейін өз орнын тауып, өзі сүйген мамандық иесі болып, өз болашағының кірпішін қалауға тырысады.

Мен өз өміріңнің іргетасын берік қалаған  және таңдаған сүйікті ұстаздық мамандығымнан еш өкінбеймін. Бұл мамандық менің өміріме күн нұрындай шуақ шашып, айналамдағы адамдарға мейірімділік пен адалдық  қасиеттерді  оята білді.

Мен дене шынықтыру пәнінің мұғалімі болуды өмірлік қателеспес кәсібім етіп неге таңдадым  және осы кәсіпке мені итермелеген қандай күш? деген сұрақтарға ең біріншіден: "Бала кезімнен спорт десе ішкен асымды жерге төгетін" -спортқа деген құлшынысым  теңіздің жағаға ұрып соққан толқыны секілді асау болса, құштарлығым бала кезімдегі ауыл балаларымен асыр салып таңның атысымен кештің батысына дейінгі доп тебумен өтер еді.

Сыныбымызда мұғаліміміз біздерден "қай мамандық иесі болғыларың келеді?" -деп сұрақ қойғанда әр  оқушы әр түрлі мамандықты бір атап жатса, менің жүрегімде бір ғана мамандық иесі болу арманым еді. Ол-дене шынықтыру пәні мұғалімі болатын.

Менің дене шынықтыру пәні мұғалімі болудағы  мақсатым -  өскелең жас ұрпаққа сорттық білім беріп, түрлі жарыстарға қатыстырып, қазақтың асқақ беделін көтеріп, көк туын желбірету еді.  Шәкірттерім жеңіске жеткенде қуанышым қойнына  симаған жүрегімнің  тұсына оң қолымды қойып әнұранды тыңдағанға не жетсін,шіркін!

Мен осы ұстаздық мамандықты таңдаған соң  тек қана өз мақсатымды көздеп, нан тапсам болды дейтін ойлардан аулақпын, керісінше  өз кәсібіме шын беріліп, қыр-сырын игеріп, жұмысымда  аянбай қызмет етіп, оқушыларға спорттық  білім беріп қараңғыда қалған ой-санасына білімнің шамын шағып жарыққа алып шығамын. Ағартушы, ақын Сұлтанмахмұт Торайғыров айтқандай:  "қараңғы  қазақтың көгіне өрмелеп шығып, күн болуға тырысамын.

Тоқсан ауыз сөзімнің тобықтай түйінін түйер болсам: «Шабытынды шарықтат, сонда ғалам сен үшін бұрын қамал тұрған жерлерден жол ашады»  деп даналарымыз айтқандай  мен өзім ұнатқан мамандықты  иесімін. Енді осы мамандығыммен бақыттымын!

Әлеуметтік желілерде бөлісіңіз: