«Дарынды оқушылардың қабілетін дамыту» тақырыбына АВТОРЛЫҚ БАҒДАРЛАМА (Зияткерлік тәрбие бағыты)

Алматы облысы

Балқаш ауданы

«№1 Бақанас орта мектебі»

Құлынбай Ажар Қалиқызы

Тарих пәнінің мұғалімі

Түсінік хат

ХХІ ғасыр – бәсеке ғасыры, бұл бәсеке енжарлықты, керітартпалақты көтермейді. Сондықтан да еліміздің білім берудегі ұлттық жүйесі өте қарқынды өзгерістер сатысында тұр. Бүгінгі таңдағы негізгі мақсат – ұлттық құндылықты әлемдік деңгейде шығаруға қабілетті, өзіндік жеке көзқарасы қалыптасқан тұлға тәрбиелеу. Дарынды, жас талапты жастар – бүгінгі егеменді еліміздің жарқын болашағы. Елбасымыз Н.Ә.Назарбаев: «Бізге керегі – шын дарындар. Нарық қол-аяғымызды қалай қыспасын, мемлекет өзінің талантты ұлдары мен қыздарын, тарланбоз жүйріктерін қолдауға, қорғауға міндетті»,- деп еліміздің болашақ жастарына үлкен мән берген.

Заманауи оқыту мен тәрбие үрдісінің негізгі идеясы оқушылардың белсенділігін арттыру, іздемпаздыққа үйрету, білімді өз бетінше алып, күнделікті өмірде қолдана білетін дарын иесін тәрбиелеу. Бұл оңай іс емес, себебі, жас жеткіншектің бойындағы ерекше қабілеттін, дарындылығын тани білу, оны одан әрі дамуына бағыт-бағдар беру үлкен шеберлікті талап етеді. Дарындылықты анықтаудың дайын үлгісі, әдіс-тәсілдері жоқ. Бүгінгі таңда, бұл мәселеге көптеген педагогтар, психологтар, әдіскерлердің еңбектері арналған. Сол еңбектермен танысып, өз тәжірибемізде қолдану, соның негізінде өздігімізден толықтыру еңгізу, біздің міндетіміз. Мен құрастырып, ұсынып отырған осы бағдарламам да соған бағыталған:  жетекшілік аткарған сынып оқушыларымның дарындылығы мен талаптарын анықтауға және одан әры дамытуға арналған.

Бағдарламаның мақсаты: сыныптағы оқушылардың бейімділігі мен қызығушылығын зерделеу арқылы дарындылығы мен талаптарын анықтау, дамыту жолдарын белгілеу.

Міндеттері:

• Пән мұғалімдерімен бірігіп сынып оқушыларының бейімдігімен қызығұшылығын анықтау жұмысын жүргізу; 
• Тереңдетілген танымдық тапсырмалар негізінде оқушылардың қызығушылығын арттыру, ой өрісін дамыту, сол арқылы  білім алудығы негізгі талаптарды жүзеге асыру;
•  Өзін-өзі дамытуға құштар, икемді, ақпараттық, интеллектуалдық ресурстарды қолдануға қабілетті жеке тұлға қалыптастыру;
• Оқушының өмірін ізгілендіру мен демократияландыру арқылы жеке тұлғасының дамуына қолайлы жағдай туғызу;
• Шығарма, ойтолғау жазғыздыру арқылы оқушыларды кез келген тақырыпқа қатысты өз көзқарасын білдіруге дағдыландыру;
• Оқушылардың ғылыми жоба жарыстарына, пәндік олимпиадаларға, түрлі танымдық байқауларға қатысуын қамтамасыз ету.    

Түйінді идеялар: балардың бойындағы дарындылық қабілетің анықтау мен жетілдіру әрекетінің тиімді жолдарын қарастыру.

Күтілетін нәтиже:

Мұғалім: сынып оқушыларының белсенділігін арттыру жолдарымен танысады, сол арқылы балалардың қызығушылығы мен бейімін анықтай алады; дарынды және талантты оқушылармен тиімді жұмыс әдістерімен таныс болады.

Оқушы: Оқу бағдарламасына сай білімді терең меңгереді, шығармашылық қабілеті дамиды; өз жан дүниесін танитын, өзін өзгелермен салыстыра алатын, іс-әрекетіне талдау жасай алатын тұлға қалыптасады.

Пайдаланылған әдебиеттер:
1. «Қарапайым мектепте де дарынды оқушы көп». Атырау қаласы.К.Х. Мұңайтбасова. Мақала.
2. Қазақстан тарихы: әдістемелік журнал.№4 2015 ж. «Дарынды және талантты балаларды оқыту» Н.Әлім.
3. «Қазақстан Республикасында 2015жылға дейінгі білім беруді дамыту тұжырымдамасы». Астана. 2004.

4.«Қазақ тілі мен әдебиеті орыс мектебінде» ,№7.2008ж. «Дарынды балалардың шығармашылығын дамыту » С.Нұралина;
5.  «Қазақ тілі мен әдебиеті орыс мектебінде» ,№2.2006ж. «Дарынды оқушылармен жұмыс » М.Құрманбаева
6. «Бастауыш мектеп». №5. 2009 жыл. «Дарындылықты дамытудағы мұғалімнің рөлі». Авторы: М.Жантурина

7. «Сынып жетекшінің шығармашылық үлгісі мен оқушы жастар ұйымының өзін-өзі басқару міндеттері». Алматы. 2009 ж. Авторы
8. «Оқушылардың дарындылығы мен шығармашылық қабілеттерін арттыру жолдары» Г.С.Жағырапова. 2006 ж