Өлеңдер Бөлімі

Тәуелсіз елдің ұланымыз

Маңғыстау обылысы, Маңғыстау ауданы
Шайыр ауылы, Қызғалдақ балабақшасы
Тәрбиеші: Дуйсалиева Маржан

Тақырыбы:  «Тәуелсіз елдің ұланымыз»

Мақсаты: Балаларды Отанымызды сүюге, еліміздің рәміздерін қастерлеуге баулу, туған жеріне деген сүйіспеншілігін ояту, елін, жерін, тілін, тарихын құрметтейтін жаны таза, адамгершілігі мол азаматты қалыптастыру, патриоттық тәрбие беру.

Қажетті құрал–жабдықтар мен көрнекіліктер: Қазақстан Республикасыныңсының Президентінің суреті, рәміздері, Желтоқсан оқиғасы құрбандарының суреттері, тақырып жазылған плакат, слайд.

Сөздік жұмыс: Тәуелсіздік, Егемендік,

Блингвалдық компонент: Ту-Флаг, Елтаңба-Герб, Әнұран-Гимн.

Тәрбиеші:

- Құрметті педагогтар, кішкентай бүлдіршіндер, Тәуелсіздік күні мерекесімен құттықтаймын.

              Өз жеріме, ие болған күн,
              Тілім таза бостандығын алған күн.
              Елтаңбаммен көк байрағым желбіреп,
              Тарихыма өшпес белгі салған күн – деп ертеңгілігімізді Қазақстан Республикасының Мемлекеттік Әнұранымен бастаймыз.

Әнұран: «Менің Қазақстаным»

Ұйымдастыру кезеңі: Слайдпен жұмыс.

Тәрбиеші:  - Балалар, біз аспаны ашық, сәулелі, кең, байтақ елде тұрамыз? Ол ел – Қазақстан Республикасы.

-    Қазақстан Республикасы өзінің тәуелсіздігін алғанына биыл 25 жыл болды. Өз бетімен ешкімге бағынбай өмір сүрген елді Тәуелсіз елдеп атайды. Біздің Отанымыз – тәуелсіз, егеменді мемлекет.
-    Біз қай тілде сөйлейміз Қазақ тілінде.
-    Біздің еліміздің Туы, Елтаңбасы, Әнұранымыз бар.
-    Біздің Елбасымыз Нұрсұлтан Әбішұлы Назарбаев.
-    Біздің Тәуелсіздік алған күніміз – 16 желтоқсан.
-    Қазақ халқын дүниежүзіне танытқан бұл оқиғаның алғашқы құрбандары – Қайрат Рысқұлбеков, Ләззат Асанова, Сәбира Мұхамеджанқызы, Ербол Сыпатаевтарды еске алып, олардың рухына тағызым ету – парызымыз.

Айдана:

Тәуелсіздік жолында,
Талай-талай тер тамған.
Билігім өз қолымда,
Еркіндігім – Елтаңбам.

Зинагүл:         

Атамекен – тұрағым,
Сөнбейтұғын шырағым.
Көк байрағағым айбыным,
Қасиетті тұмарым.

Назым:           

Көк аспандай көкпеңбек,
Қазақстан жалауы.
Көк емес ол тектен–тек,
Елдің ашық қабағы.

Ақберен:        

Батырлар бар тегімде,
Көк байрағым көгімде.
Әнұранды жатқа айтам,
Елтаңбам тұр төрімде.

Мерейлім:       

Елтаңбасы елімнің,
Неткен әйбат, әдемі.
Тұнығындай көңілдің,
Ортада – аспан әлемі.

Сергіту сәті:

Армысың, қайырымды Аспан ата!
Армысың, мейірімді Жер – ана!
Армысың, шұғылалы Алтын күнім!
Армысың, Тәуелсіз елім менің!

Тәрбиеші:  - Еліміздің еркіндігі жолында жанын қиып тәуелсіздігімізді көре алмай кеткен боздақтарды 1 минут үнсіздікпен еске алайық. (1 минут үнсіздік)

Балалар тақпақтар:

Ақторғын:

Атыңнан айналайын егемен ел,
Тәуелсіз күнің туды кенеле бер.
Мерейің құтты болсын, Тәуелсіздік,
Ғасырдың тойы болшы,келе берер.

Аягөз:
Қазақстан тәуелсіз ел,
Қанатын жайған әлемге.
Ақбоз аты оза шауып,
Жаңғырған аты әлемге.

Ұлмекен:
Ел ордасы – Астанам,
Саған айтсам асқақ ән.
Әрқашанда қазақ боп,
Туғаныма мақтанам.

Жігер:
Көгінде күн нұрын төккен,
Жерінде гүл нұрын төккен.
Неткен сұлу, неткен көркем,
Осы менің туған өлкем.

Дидактикалық ойын: «Сиқырлы суреттер»

Ойын шарты Балалар Ту, Елтаңба, Астана, Бәйтеректің суреттерін құрастырады.

Қорытынды: Сұрақ – жауап:

- Сонымен, балалар біз қандай елде өмір сүреміз? (Тәуелсіз, Егеменді елде)
- Тәуелсіздікті біздерге кімдер алып берді? Аға – апаларымыз, ата – әжелеріміз.

Тәрбиеші: Үлгі бізге аталардың ерлігі,
Ұлағаты, өнегесі, ерлігі.
Тәуелсіздік туын ұстап жоғары,
Бүгінгі ұрпақ болар елдің ертеңі – дей келе бүгінгі оқу іс – әрекетіміз осымен аяқталды.

Бүгін бәрің жақсы қатыстыңдар, рахмет сендерге.

Ал енді біз қонақтарымызды шығарып салайық.

Күтілетін нәтиже:

Нені білуі керек: Біздің Отанымыз – Қазақстан екеніноның тәуелсіз мемлекет және оның жеке туы, әнұраны, елтаңбасы, елбасы болатынын.

Нені игереді: Қазақстан туралы мағлұматтар игеріп, тақпақтар айтады. 

Нені білді: Егеменді ел – Қазақстанның азат және бейбіт ел екенін.


Қарап көріңіз

Пікірлер (0)

Пікір қалдырыңыз

×