Өлеңдер Бөлімі

Жемістер. Алма

Маңғыстау облысы, Мұнайлы ауданы
"Балдәурен" жекеменшік балабақшасының
тәрбиешісі: Сарсенова Нурсулу Джумабаевна

Тақырыбы: Жемістер. Алма.

Мақсаты: Балаларды жемістердің түрлерімен таныстырып, оларды бір бірінен түсі, пішіні, дәмі арқылы ажыратып білуге үйрету. Жемістерді айыра білуге, түстерді таңдай білуге үйрету.

Көрнекіліктер: Жемістер муляжы, дайын қызыл алманың суреті, алма бақтың суреті.
Балалар шаттық шеңберін құрып, қол ұстасып амандасады.

Шаттық шеңбері:

«Салем» дейміз, - алтын күн,
«Салем» дейміз, - Жер ана
«Салем» дейміз, - баршаға!

Тәрбиеші: Жыл мезгілін, оның ерекшеліктерін сұрау. Өткен сабақты қайталау.
Балалар: Жылдың күз мезгілі екенін, оның өзіндік ерекшеліктерін айтады.
Тәрбиеші: Балаларға тақтадан көкөністер мен жемістердің кейбір түрлерін көрсетіп, олардың атын, түсін айтқызады.
Балалар: Алма, алмұрт, өрік, қияр, сәбіз.
Тәрбиеші: Ал сендер қандай жемісті жақсы көресіңдер?
Балалар: Алманы.
Тәрбиеші: Балалар, сендер алманың қайда, қалай өсетінін білгілерің  келе ме?
Олай болса бүгінгі оқу қызметіміздің жаңа тақырыбы «Алма» болмақ.

Е.Елубаевтың «Апорт» өлеңі

Апорт

Апорт деген алма бар,
Алматы оның Отаны.
Ондай алма қайда бар?
Жерді жарған атағы.
Күзде жайнап ашыла,
Күннің нұры көшкендей.
Алма ағаштың басында,
Қызыл қарбыз өскендей.

Тәрбиеші: Міне балалар, көрдіңдер ме? Алма ағаштың бұтақтарында өседі екен. Осы ағаштағы алмалардың түсі қандай?
Балалар: Қызыл, сары, жасыл.
Тәрбиеші: Дұрыс балалар, енді осы алмалардың ішінен бір түсті алманы таңдауымыз керек. Сендер қай алманы таңдайсыңдар?
Балалар: Қызыл алманы.
Тәрбиеші: Неге қызыл түсті таңдайсыңдар?
Балалар: Қызыл алма әбден піскен, әрі тәтті болады.
Тәрбиеші: Балалар бәріміз олай болса бір ойын ойнаймыз.
Ойын: «Себеттегі алмалар».

Шарты: Түрлі түсті алмаларды себеттерге бөліп жинау.

Сергіту сәті
Тербеледі ағаштар,
Алдымнан жел еседі.
Кіп кішкентай ағашатар,
Біп биік болып өседі.

Балалар орындарына отырып алдарындағы дайын қызыл алманың суретін ағаш бұтақтарына жапсырады.

Балалар олай болса оқу қызметімізді қорытындылайық. Жеміс түрін атайықшы, оның ішінде алманың дәмін, түсін ажыратып пішінін қолмен көрсетейік. Алманың қайда өсетіндігін білдік. Апорт алмасы туралы ұғымдарды меңгердік.


Қарап көріңіз

Пікірлер (1)

кундыз

керемет

Пікір қалдырыңыз

×