Қадыр Мырза Әли

Тұрып қалған

Бұл бетте «Тұрып қалған» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

01.05.2019
0
0
2817

Тұрып қалған
Сияқты көне қымыз
Кермек тартып кетті ме өлеңіміз.
Айту үшін шындықты
Орағытып
Жердің түбін айналып келеміз біз.
Ыза-кекке кеткенде өзек толып,
Қадалатын ақынның сөзі оқ болып.
Ақымақ демей
Енді біз
Есек дейміз,
Кеткенбіз бе бәріміз Эзоп болып?!
Айттық екен шындықты, туыс, құпта!
Сол үшін біз керістік,
Ұрыстық та.
Бояймыз кеп,
Бояймыз ақиқатты,
Косметика не керек дұрыстыққа?!
Әділдіктен бойыңды ала қашып,
Сылп еткізіп ерніңді жаламашы.
Орай берме сыртынан,
Шындық — сәби,
Әдемі ғой сәбидің жалаңашы!

ақиқат шындық Қадыр Мырза Әли тұрып қалған Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар