Ай-ай, бозым (бірінші нұсқа)

Балға табы кетпейді темірдегі,
Сенің бейнең өшпейді көңілдегі.
Қырғауылдың мойнындай мың құбылған,
Қылығыңды қайтейін іңірдегі.

Ай-ай, бозым,
Келе алмадым жер шалғай,
Жалғыз өзім-ау.

Қонақ үйге келмейді от алғалы,
Етіңді ас, көжеңді қотар-дағы.
Мойынындай аққудың мың құбылған,
Қылығыңды қайтейін жатардағы.

Ай-ай, бозым,
Келе алмадым жер шалғай,
Жалғыз өзім-ау.

---