Өлең, жыр, ақындар

Тербеледі тың дала

  • 13.05.2019
  • 0
  • 0
  • 7115
Түнгі самал егін басын тербейді,
Алыста қыр қарауытып келбейді.
Айдың нұры баяу ғана дірілдеп,
Тың алқапты көкшіл шұғыла көрнейді.

Айлы дала салқын самал тамаша!
Екі ғашық қол ұстасып келе жатыр оңаша.

Екі ғашық қол ұстасып келеді,
Айтылмақ сөз, ақтармақ сыр көп еді.
Бар болғаны жүрек тулап дем ысып,
Әлсің - әлсің ерінге ерін төнеді.

Жанға рақат түннің салқын самалы!
Махаббаттың,махаббаттың оты лаулап жанады.

Махаббаттың оты лаулап жанады,
Сол жалыннан жүрек сая табады.
Түнгі дүние төңіректе мөлгейді,
Тербеледі тың егіннің алабы.

Айлы дала, салқын самал тамаша!
Екі ғашық, екі ғашық келе жатыр оңаша.



Пікірлер (0)

Пікір қалдырыңыз

Мереке

  • 0
  • 0

Көрінер қора сұлу қойы болса,
Көрінер қыздар сұлу бойы болса.
Өлеңді мұнда айтпаған қайда айтамыз,
Мереке күнде осындай тойы болса.

Толық

Сағындым, Жайық

  • 0
  • 0

Базарға қой айдаттым пұл ме екен деп,
Қояды қыздың атын ей-ей-еу Ұлмекен деп.
Бойыма түскен асым тарамайды,
Көңілі сол құрбымның ай-ау-ей кімде екен деп.

Толық

Адам оң жаққа салынғанда айтылатын жоқтау

  • 0
  • 0

Түйем жатыр шаңдақта,
Жез бұйдасы ақ мақта.
Жыламай қайтып шыдайын,
Арысым жатыр оң жақта.

Толық

Қарап көріңіз