Алғашқы әнім — арманым

Алғашқы сенің сырларың,
Естілді маған ән болып.
Алғашқы жарқын дидарың,
Алдымнан атты таң болып.

Қайырмасы:

Алғашқы әнім - арманым,
Арайлап атқан таңдарым.
Алғашқы туған махаббат,
Әнімді саған арнадым.

Сен тұрсың әлі еркелеп,
Көзіңе мөлдір көл тұнған.
Жаралдың ба әлде жел тербеп,
Толқынды қуған толқыннан.

Қайырмасы:

Атыңды әнге қосамын,
Жаңғыртып таудың орманын.
Сағындым, еркем, сені ойлап,
Қайдасың, асыл арманым?!

Қайырмасы:

---