Өлең, жыр, ақындар

Сайлау күнгі жыр

  • 18.05.2019
  • 0
  • 0
  • 1647
Бәрімізге қызықты бұл күніміз,
Шашу болып төгілсін гүл жырымыз.
Жерімізді жаңғыртқан даусымызға,
Бұталардан үн қосты бұлбұлымыз.
Бүгін тағы бастадық жыр көктемін,
Жырымыздай шалқытып жүрек лебін.
Еліміздің төріне отырғыздық,
Халқымыздың қалаулы түлектерін.
Ырыс бірге, үн бірге, тыныс бірге,
Достық туы елімнің тұр үстінде.
Республика тұтқасын тұтқыздық біз,
Сауыншыға, кеншіге, министрге.
Егіншіні, дән берген мол егіннен,
Ақынға да дем берген өлеңімен.
Сүйінішін теңіздей толқытты жұрт,
Басқарсын деп кеңесті келелі кең.
Үн береміз сендерге құдіретті,
Жыр береміз сендерге жылы лепті.
Ақ сенімді бәріміз қалаулылар,
Мың-мың жаннан жалынды бір тілекті.
Аманаты халықтың алыптай зор,
Алып іске құлшынған халықтай бол!
Жалын атып өмірдің өрлеріне,
Жұлдызы бол, жайнаған жарықтай бол!
Жүйріктей бол, биікке шауып шығар,
Нысанада халықтың тау ісі бар.
Екпініңнен жаңғырсын дүркін дүние,
Әрқайсыңда мыңдардың дауысы бар!
Қырандай бол, қиядан шүйілетін,
Дауылдай бол, толқынды иіретін.
Қанаты бол, көзі бол партияның,
Қуаты бол, халықтың сүйінетін.



Пікірлер (0)

Пікір қалдырыңыз

Бригадир туралы жыр

  • 0
  • 0

Жапан түзге жасап жатыр қыс бүлік,
Қар жасағы ойнақтайды ысқырып.
Қиян қырдың аспанында жүр жосып
Ақ шудалы аппақ бура түсті бұлт.

Толық

Ақынның албырттығы жарасады

  • 0
  • 0

Боз үйлер қаздай қонған белес еді,
Сауырдан жорға қоңыр жел еседі.
Қарттарын қойлы ауылдың жинап Сәбең
Кеш болса кең күмбезде кеңеседі.

Толық

Марқакөл

  • 0
  • 0

Тас қиядан таң аса мен
Аңсап келдім көлдің нұрын.
Күмбез тауға тамаша кең
Көл де жайды көк мөлдірін.

Толық

Қарап көріңіз