Өлең, жыр, ақындар

Теңізге

  • 22.05.2019
  • 0
  • 0
  • 1744
Дария қашып, біз қуып поезбенен
Талай-талай бел асып, сол ізбенен
Жетіп келсек, алдымыз аппақ жазық
Осы екен ғой керемет - теңіз деген!
Теңіз, теңіз, телегей! Сен де анама
Ұқсап, жылы қарадың мен балаңа!
Бір қабаты аспанның жерге түсіп,
Шөгіп қалған секілді кең далаға!
Арал, Арал - жүректі бір батырсың,
Жалпақ құрлық - жасқанбай сен жатырсың.
Жоқ боп кетем демейсің - зор көмейден,
Шөл көмейден сақтаған қандай тылсым?
Бір бақытты бағалап жүз үміттен,
Қиырыңа кім екен жүзіп өткен?
Сонау жалғыз қайыққа шалғайдағы
Бұл жағадан қараймын қызығып мен.
Арал, Арал - қаһарман балықшылар,
«Су тәңірісі - ол» деген анық шығар.
Сулы мұртын сүйейін сол бауырдың
Айдыныңа мені тез алып шығар!



Пікірлер (0)

Пікір қалдырыңыз

Жер төбесі — «Көкиық»

  • 0
  • 0

Білмеймін — бармысың сен басқа жақта,
Білмеймін — таныспысың көп қазаққа,
Басынд іздеп барып шыққан сайын
Баяғы жолығамын жастық шаққа.

Толық

Мариям Хакімжанова

  • 0
  • 0

Басы жоқ, аяғы жоқ бір ән қозғап,
Басылды кешке қарай боран боздап.
Мұз қатқан маңдайына машиналар
Көз жазып бір-бірінен қала жаздап.

Толық

Жалғыз сөз

  • 0
  • 0

«Әлденеше жаздым да,
Әлденеше бүктедім.
Жазылған сөз аз мұнда,
Аз болса да көп дедім.

Толық