Ғафу Қайырбеков

Батыр да «атқа» отырды

Бұл бетте «Батыр да «атқа» отырды» атты Ғафу Қайырбеков жазған ерлік туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

28.05.2019
0
0
1595

(Социалистік Еңбек Ері Аманкелді Исақовқа)

Сағымды түсте күн қызып,
Көзіңе түссе комбайн.
Көрінеді екен, бір қызық,
Шөгеріп қойған нардайын.
Сол «нардың» нақ қасынан
Көрдім нардай кісіні.
Қалпағын алып басынан,
Күректей қолын ұсынды.
— Шырағым, аман жүрсің бе?
Шырайы сонша әдемі.
Алғашқы көрген кісіге —
Түп-түзу екен сәлемі!
Екеумізге орындық
Комбайнның қалағы.
Тұрған жерім жолығып,
Орылған егін балағы.
Әңгіме басы сарабдал,
Аяғы кетті ұласып,
Бар шаруадан хабардар
Сөйлестік ұзақ сыр ашып.
Егіннің жайы, ел қамы,
Мектептің хәлі нендейді?
Есен бе жұрттың ден - қары,
Дәрігерлер қалай емдейді?
Ойының жоқ кем жағы,
Жаны да көңіл толтырды.
Аттана бердім мен дағы,
Батыр да атқа отырды.
Жосылды алып комбайн,
Жотадан астым енді мен.
Жолығу жайлы жыр дайын
Бүгінгі Аманкелдімен!

Ғафу Қайырбеков батыр ат Аманкелді Исақовқа батыр да «атқа» отырды Ғафу Қайырбеков өлеңдері

Пікірлер (0)

Пікір қалдырыңыз

Жиі қойылатын сұрақтар