Ұстазсыз қараңғы бұл ғалам!

Ұстазсыз қараңғы бұл ғалам!

Жүрегі мектепке байланған,
Күні-түн жұмысын ойлаған.
Қартайып кетсе де шәкірті,
Көргенде айналып-толғанған.
Жасасын ұстаздар қауымы,
Сіздерсіз қараңғы бұл ғалам!

Уайымдап біреудің баласын,
Зерттейтін, қатесін табатын.
Сәл озат оқыған шәкіртін,
Дайындап, жарысқа салатын.
Ұстаздар - бапкерлер қайтпайтын,
Баптайтын тұлпардай баласын!

Сен үшін шығарма жазатын,
Сен үшін сөгіс те алатын.
Отбасын ұмытып мектепте,
Компьютер алдында қонатын.
Шәкірттер сыйлаңдар шынайы,
Біліңдер ұстаздың бағасын!

Әр ұстаз лайық құрметке,
Сыйлай біл, жақсы көр, құрметте!
Төрт шумақ өлеңге сыймайтын,
Ұстаздық - ұлы іс білгенге.
Аяулы, қадірлі ұстаздар,
Мол бақыт тілеймін сіздерге!

Гүлмекен Қасенбай
04.10.2024

---