Не амал бар?

Бұл дүниедегi
Қомағайлық пен
Тойымсыздықтан қашып
Безiп кеттiм;
Табиғат анам ғой деп,
Анам панам ғой деп
Тау-тасты,
Құм-шөлдi аралап
кезiп кеттiм.
Атаңа ғана лағнет! –
Қу қомағайлық! –
Мұнда да! –
Әр тастың тасасы мен
Әр бұтаның астында
Бұғып жатыр екен.
Көзiм түсiп кеттi:
Қамшыдай жiңiшке
Қара жылан
Қолдың басындай
Аппақ жұмыртқаны
Жұтып жатыр екен.
Не амал бар?!

---