Баубек Бұлқышев

Көз алдымда

Қазақша өлең мәтіні, өлең жолдары және толық нұсқасы.

05.06.2019
0
0
3011

Жан тапсырды ол көз алдымда
Қанды қызу майданда.
Жараланып жүрегінен
Жастай кетті арманда.
Жан тапсырды ол кез алдымда
Жағаласып жауменен,
Жанын қиды жеңіс үшін
Арпалысып ажалмен.
Қайран дүние-ай, жап-жас жігіт,
Қанға оралып жатты - ау ол!
Қол сермеді - ау дегендей – ақ
«О достар - ау, мықты бол!»
Өлген ердің атағымен
Алға ұмтылды рота.
Көз алдымда ту көтерді,
Жауды қырып қирата.
Ер атағы жауын қуды,
Көз алдымда, жеңілмей.
Көріп тұрдым ер өлімін
Өлім емес өмірдей.
Жан тапсырды ол көз алдымда
Канды қырғын майданда.
Көріп тұрдым тірідей ол
Жеткеніндей арманға.

1943 ж. 23 март.
Мензелинск

Баубек Бұлқышев көз көз алдымда Баубек Бұлқышев өлеңдері

Пікірлер (0)

Пікір қалдырыңыз

Жиі қойылатын сұрақтар