Өлең, жыр, ақындар

Тұмар қыз (Томирис)

  • 07.06.2019
  • 0
  • 3
  • 7105
Өн бойымда тулап Түркі от қаным,
Қолға ұстасам ұлы дала кітабын.
Сағымдардан желкен құрып өрлікпен,
Ғасырлардың тік көтеріп ақ таңын.
Көз алдыма елестейді Тұмар қыз,
Алға тартып желден жүйрік тұлпарын,
Сілкіп тастап заманалар қатпарын,
Шумерлердің тасқа біткен тілімен,
Арийлер мен Сак,Ғұндардың үнімен,
Жеткізгендей ақиқаттың хаттарын.
Сыйға тартып «Қазғақ Оғұл» бақ дәнін,
Бабаларым мәрмар тасқа жаздырған,
Енесейде ескерткіш қып қалдырған,
Ұғындырым»батыр балам» сөз мәнін.
Тектіліктің жоғалтпастан салмағын,
Биік ұстап ел намысы- ар әнін.
Солмау үшін үміт күткен ұрпағы,
Қасиетін сезінуге ақ таңның,
Қайталанбас Массагеттер патшасы,
Қорғай білген ерлікпенен Отанын!
Қалдырмасқа туған елін тұманға,
Шаң түспеске ата жұрты Тұранға,
Қорған болған жарқыраған сәулеті,
Ұқсап бейне еркін өскен қыранға.
Уын шашып кең далама ұмтылған,
Қарсы шығып айдаһардай жыланға.
Сансыз қолды бастап қанды майданда,
Тас талқан қып шапқыншылар әскерін,
Қиян кескі ұрыс салып даламда,
Тапталмасқа ата-баба сүйегі,
Таңылмасқа ез атанып қор таңба,
Басын алған Қир патшаның айқаста,
Таңданасың Ғұн ұрпағы Тұмарға!
Күн көзіндей шуақ төккен көктегі,
Жеңісі оның еске салып өткенді.
Әруағы кең даламда дем беріп,
Тылсым күшпен жеткізгендей көктемді.
Аласұрып толқын шашқан мұқиттай,
Ышқынумен іштен тартып от демді,
Жыр төкпесем қысатындай өкпемді.
Жарып туған, жанып туған асылдың,
Құлағымнан жан айқайы кетпейді.
Шақырады ұландарын ерлікке ол,
Жасау үшін адамзаттың көктемі.
Халықта ғой тіршіліктің тұтқасы,
Ол сілкінсе алып жығар кек демі!



Пікірлер (3)

Аружан

Бұл өлең жақсы жазылыпты

Аяулым

Томирис патшайым туралы бұл өлең жақсы шығыпты

Сезым

Олен оте керемет жазылган

Пікір қалдырыңыз

Бимырза ата үні

  • 0
  • 0

Берілмеген ішіп жеуге бұл тірлік,
Білім ізде жалықпастан ұмтылып.
Нағыз дәулет таусылмайтын бар сонда,
Жететұғын өміріңе ғұмырлық!

Толық

Мырзағұл әулие баба үні

  • 0
  • 0

Бақыт деген өздерің ұрпақтарым,
Ұғынсын-деп, жаныңа сыр ақтардым.
Сендер әлсіз болсаңдар бірлігі жоқ,
Былғанғаны киелі топырақтарым.

Толық

Шыңғыс хан

  • 0
  • 0

О, Шыңғыс хан – ТҮРІК ұлы айбынды,
Қият нұрдан жарқыраған айдыны.
Толқынына толық түскен ай нұры,
Жан анаңның тас емшегін иітіп,

Толық

Қарап көріңіз

Пікірлер