Өлең, жыр, ақындар

Данышпан Мұқтар әулием

  • 09.06.2019
  • 0
  • 0
  • 6420
(Мұқтар Әуезовтың рухына)

Телегей ойдың теңізін,
Тереңнен бойлап інжуін.
Тергенде кесте тоқыған,
Тамсандырып жер жүзін.
Шоқанды дана пір тұтып,
Сүрлеуін мәңгі жаңғыртып.
Көгімде жанған жұлдызым,
Дүниені түгел жарық қып.
Толқындай тербеп жас жанын,
Ынтымақ,бірлік,туыстық.
Достарға жайған құшағын.
Алатауымдай нұр құшып.
Абайдан алып өшпес от,
Даламды дархан жырлаған,
Халқыма алтын көпір боп,
Әлеммен түгел жалғаған!
Бабамның алтын сынығы,
Алаштан туған асылым,
Елімнің даңқын асырған,
Үні боп өшпес ғасырдың.
Европа қағып таңдайын,
Таңданып берен алыпқа.
Жеткізген ұлы Абайын,
Теңеген күндей жарыққа.
Алғысын айтып сүйсініп,
Туғызған оны халыққа!
Әлемге ортақ ай, күндей,
Шуағын шашып бас иген.
Халқыммен мәңгі жүргендей,
Данышпан Мұқтар әулием!



Пікірлер (0)

Пікір қалдырыңыз

Тұмар қыз (Томирис)

  • 0
  • 3

Өн бойымда тулап Түркі от қаным,
Қолға ұстасам ұлы дала кітабын.
Сағымдардан желкен құрып өрлікпен,
Ғасырлардың тік көтеріп ақ таңын.

Толық

Арыстанбаб баба!

  • 0
  • 0

Бабалардың бабасы,
Даналардың данасы.
Кең ғаламды жаратқан,
Тәңір сүйген дарасы.

Толық

Жары Мәтжан ата үні

  • 0
  • 0

Жанқожа –деп, аталатын осы жер,
Кең Жылойға әуел бастан таныс жер.
Осы жерде біз жатырмыз тыныстап,
Сыр айтайын ақын балам бері кел!

Толық

Қарап көріңіз

Пікірлер