Өлең, жыр, ақындар

Ленин музейінде

  • 10.06.2019
  • 0
  • 0
  • 1521
Көрген сайын көргім келіп,
Бардым Ленин музейіне.
Көрген сайын жаңа ой беріп,
Алуан өмір музейі бейне.
Қиын, ауыр жолдар кешкен,
Ұлы өмірдің тұр бейнесі.
Қиын күнде түйін шешкен,
Тұр құралдар - сыр пернесі.
Алғаш қолмен Ленин жазған
Тұр советтік декрет те.
Тағы ғажап бір көргенім,
Бір қалам тұр сол ретте.
Сақтаулы тұр өңсізденген
Ағаш сапты темір қалам.
Сабында қол дағы түсіп,
Көп ұсталып көне өң алған.
Сол қаламды көрген жерде
Маған мынау ойлар түсті:
Сол қаламмен ұлы Ленин
Жазды - ау, талай тамаша істі.
Қандай жайда, қай шебердің,
Жасап қолы сол қаламды?
Ұлы дана қолға берді,
Жаңа өмірге жазар заңды.
Ұлы Ленин жазған томдап,
Бақыт кілті сан даналық.
Адамзатқа жаңа жол сап,
Келешекке барар алып...
Па! Шіркін-ай, тым терең - ау,
Аз нәрседе өмір сыры.
Сол қаламды жасаған жан
Дүниеде бар ма тірі?..



Пікірлер (0)

Пікір қалдырыңыз

Қараңды көрсем қиырдан

  • 0
  • 0

Қиырдан көрсем қараңды,
Елжіреп құштар жүрегім,
Ұмытып кәрі жарамды,
Елестер ескі тілегім.

Толық

Екі хат

  • 0
  • 0

Орман гүлдеп толықсыған,
Асар таудың сай-саласы,
Құстар сайрап мың құлпырған
Алуан үнмен айналасы.

Толық

Ақсәуле қайтқанда

  • 0
  • 0

Ақсәуле, сенен бөліндім,
Қайтадан қашан көрермін,
Қызықты сәтін өмірдің
Тез болсын тағы көрер күн.

Толық

Қарап көріңіз

Пікірлер