Сапарғали Бегалин

Өзіңді өзің дәстерлеме

Қазақша өлең мәтіні, өлең жолдары және толық нұсқасы.

10.06.2019
0
0
1318

(Кейбір досқа)

Өзіңді өзің дәстерлеме,
Семіз сөзбен серпіндеп,
Жат көресің елді неге
Оныңнан кім серпілмек.
Жыртық ойың жырым-жырым,
Сыртқа шықса ыдырар.
Арты ашылып барлық сырың,
Бос сөзің ел қыдырар.
Кеселі үлкен кер ауыздан
Кернеп шыққан кейбір сөз,
Дәні шірік бос қауыздай
Үгілер де, өшер тез.
Көп сүймесе, кім күшімен
Елді именіп сүйдірмек,
Дос тимесе өз ісімен
Көпті қалай күйдірмек.
Алтынмын деп жарқылдаған
Жалған жезден жаман жоқ.
Асылмын деп барқылдаған
Айғайға орын қалған жоқ.

Сапарғали Бегалин дос өзіңді өзің дәстерлеме Сапарғали Бегалин өлеңдері

Пікірлер (0)

Пікір қалдырыңыз

Жиі қойылатын сұрақтар