Жорық

Біз отанның солдаты жауға аттанған,
Біз халықтың қанаты қанаттанған.
Қайтпас семсер, көк болат, біз ақ алмас,
Қаһарменен суарып кекке малған.
Қайырмасы:
Шапсақ
Жайратқан,
Атсақ
Дәл атқан
Біз отанның солдаты
Қаһармен кек қайнатқан.
Біз Отанның баласы батыр туған,
Батыр баба ұрпағы салтын қуған,
Самалды өлке, сәнді тау ұлы Отанға
Басып кірген фашисті қанмен жуған.
Қайырмасы.
Сарқылмайтын Сайлаулы ел күшіміз,
Жанды қияр жауынгер ел үшін біз.
Ұлы дана партия бастаған қол,
Жарқылдайды жақындап бақыт жұлдыз.

---