Өлең, жыр, ақындар

Қансонар

  • 14.06.2019
  • 0
  • 0
  • 2601
Бүгін сонар.
Қардың беті кілең із,
Аң қағуға аттанамыз, міне, біз.
Жемелегі желге ойнаған көрші қыз,
"Қанжығаңыз қандансын!" — деп тілеңіз ...
Сол баяғы ертектегі қарғалар
Әлі күнге қар бетімен жорғалар.
Қасқыр ізі, қарсақ ізі, түлкі ізі,
Молдаторғай, шіл мен қоян — ол да бар.
Қызыл тазы ізге түссе жаңылмай,
Көз жанарың жоталарға соғылғай —
"Қанжығаңыз қандансын!" — деп тілеп ап,
Сырт айналған сылқым қыздың жонындай.
Тұлпарлардың тұяғына жұтылып
Жер жатқанда,
Кім кетеді құтылып?!
Аңға деген құмарлығың қызға ауып,
Кешке жақын оралармыз құтырып.
Бұл Заманның біз едік қой серісі,
Болса - дағы әлгі қыздың перісі —
Түлкі-білек мойнын орап ел жата,
Алқымынан алар қасқыр терісі ...

1984 ж.



Пікірлер (0)

Пікір қалдырыңыз

Көктемгі ән

  • 0
  • 0

Сол бір көктем - ең қымбат,
Жатқан еді көл жырлап.
Гүлді ырғап қарсы алған, көктемім,
Кетпедің, тым құрса, қол бұлғап.

Толық

Арбасу

  • 0
  • 0

Қылығыңмен қытықтап,
күлім қағып,
Алардай-ақ ақынның жынын қағып,
Өртемек боп жанымды,

Толық

Бабатүкті боз дала

  • 0
  • 0

Бабатүкті боз дала,
көгесем қыр,
Былтырғыдан жусаның неге селдір?..
Өзің жайлы мұңым көп көкіректе,

Толық

Қарап көріңіз