Өлең, жыр, ақындар

Сәуегей құс

  • 17.06.2019
  • 0
  • 0
  • 1286
Дәл бүгіннен жүз жыл бұрын,
(сақта, Алла!) 23 ақпанда,
Ақын Блок Гамаюнды жырға қосып жатқанда,
Менің-дағы төбемнен,
Ұшып өткен көк қарға.
Ол да кейде ұшушы еді әуелей,
Тек алысқа ұзатпайтын тезек масы әуейі ой.
Гамаюннан әлдеқайда кексе еді,
Гамаюннан әлдеқайда сәуегей.
Сұмпайы құс көргені лаң, жолы қан,
Өлексемді жүз жыл бойы торыған.
Шаңыраққа қонып алып боғыбан,
Айтқандарын мен түсімде жорығам.
Көк қарғаны көріп жүрдім әулие,
Жұмақ құсы шыққанша ұшып торынан.
Жұмақ құсы ... Ол да баста тұрмады,
Қалды артында мен ұқпайтын мұңды әні.
Жүрегіне жазылмайтын жара салып жіберді,
Көздерімнің қанды қара тырнағы.
Қиқуласқан қалың қаздың құралы,
Бұл далаға қайта оралмай жүр әлі.
Ол неліктен мені көрген құзғындар,
Түсін маған жорытпақ боп тұрады.
Тағы, міне, ғасыр соңы ... Ақпан, ә!
Кәрлі ақпанда қалтырайды ақ қала.
Тағы бір құс төбемде отыр сұңқылдап. Қап-қара...

23.02.1998 ж. 



Пікірлер (0)

Пікір қалдырыңыз

Бабалар қазған үңгірде

  • 0
  • 0

Келіп тұрмын қара үңгірге, ертегілер еліне.
Бір тылсым жел соқты үңгірден — айдаһардың демі ме
Онда неге лебімен мені өзіне тартпайды,
Батыр бабам күзеттіріп кетті ме әлде Періге!?

Толық

Бесік қалған

  • 0
  • 0

"Тәңірден, деп, бұйырса, таңғы несіп",
Шыға келдік бір белге әңгіме есіп.
Ауыл көшіп кетіпті. Жұртында тек,
Қызыл сырлы қалыпты сәнді бесік.

Толық

Жоғал көзден, жаман елес

  • 0
  • 0

Жоғал көзден, жаман елес,
Тұрған өсек, төпеп кіл.
Менің дуам - шарап емес,
Шылап берген етеккір.

Толық

Қарап көріңіз