Өлең, жыр, ақындар

Жастық жаңбыры

  • 18.06.2019
  • 0
  • 0
  • 1269
Жаумай жатыр жастықтың бұлты кімге?
Жетем саған, деуші едім, түн түбінде.
Сен мен жаққа қарасаң, бір мөлт күлкі,
Тұратын-ды тығылып кірпігінде.
Жыл жетектеп, алдымнан ай асыға,
Сүйреп шықты сахара саясына.
Құр жәутеңдеп қарадым... Кете бардым,
Кірпігіңнің ене алмай аясына.
Ақты жылдар ізінде шаң шұбалып,
Қанша түннен өттім мен шам суарып.
Жарық қылдым жолыма кірпігінде,
Қалып кеткен күлкіні аршып алып.
Бүгін, міне, жолықтық күн түбінде,
Жаумай кеткен жастықтың бұлты кімге?!
Сығалайсың сыртынан "сыңарыңның",
Мөлт-мөлт еткен бір мұң бар кірпігінде.
... Шілде, мынау, шіліңгір. Дала да шөл,
Етуін-ай аптаптың санаға әсер.
Қымтай қойдың мұң бұққан кірпігіңді,
Құйып қоя берердей қара нөсер. 



Пікірлер (0)

Пікір қалдырыңыз

Базарбайдың Төлегенінің Қособадағы толғауына қосымша

  • 0
  • 0

Аспандап ұшқан алты қаз,
Қоятын саған шартым аз.
Назым бар айтар халқыма аз,
Қарайлай кетші артыңа аз.

Толық

Әжемнің зиратында

  • 0
  • 0

Тумай жатып мен қанша аза көрдім,
Тармағымын шумағы аз өлеңнің ...
Ақ әжеме орнатқан мынау күмбез —
Кимешегі тәрізді ақ әжемнің.

Толық

Торғай – жыр

  • 0
  • 0

Құдай-ай, менен тағы кетті тыным,
Тесілдім түнегіне тек құтының.
Жүрекке тырнақ салып қыли дауыс,
Өкпемді үңгиді кеп көк түтін үн.

Толық

Қарап көріңіз