Өлең, жыр, ақындар

Жылқышының үйінде

  • Bain
  • 26.04.2015
  • 1
  • 4
  • 11803
-Түн түнерді, ұйықтады ауыл,
Сорлы, бейбақ, атаң қайда?..
-Боран мынау, туды дауыл,
Апатайым, атам қайда?..
-Сорлы, бейбақ атаң қайда?
Көр үңгірді боран көмді!..
-Апатай-ау, атам қайда?
Әйнек сынды, білте сөнді...
-Көр үңгірді боран көмді,
Көмді ме екен атаңды әлде?..
-Әйнек сынды, білте сөнді,
Сөнді ме екен атам да әлде?..
-Көмді ме екен атаңды әлде?
Қалқам, қандай күйге түстік?..
-Сөнді ме екен атам да әлде?
Апа-ау, мұнша жасың ыстық!..
-Қалқам, қандай күйге түстік?
Жаным - жара, көңілім - қаяу!..
-Төкпеші, апа, жасыңды ыстық!
Байқашы өзің: боран баяу!
-Жаным - жара, көңілім - қаяу,
Аман ба екен бейбақ атаң?
-Жел де бәсең, боран баяу,
Қарашы, әне, ағарды таң!..
-Аман ба екен бейбақ атаң?
Құлыншағым, қорғаным - сен!
-Міне, атты таң! Аман атам!
Қапа болма, қорғаның - мен!..



Пікірлер (4)

Айару

Зор

Айару

Ұнады

Бекзатқызы Айару

Өте керемет қатты ұнады

Пікір қалдырыңыз

Сәлем хат

  • 0
  • 2

Сәлем сөзім алыстағы еліме,
Алыстағы ақ селеулі беліме.
Айдан да айқын сендерді іздеп қайтуым
Күнім бітіп, кіргенімше көріме.

Толық

Түн еді

  • 1
  • 2

Түн еді. Көкте қаптап бұлт тұрды,
Жел жылап, долы дауыл ұлып тұрды.
Секіріп сары шаш шайтан, жындар билеп,
Әлдекім сылқ-сылқ қана күліп тұрды.

Толық

М.Д. абақтыдан шыққанда

  • 1
  • 2

Зор қуаныш — қара түн өткенiне,
Алтын таңды ашық күн жеткенiне,
Қан аралас төгiлген көп көз жасты
Тәңiрi қабыл, мейiрiм ғып, еткенiне.

Толық

Қарап көріңіз