Өлең, жыр, ақындар

Сен сұлу

  • Bain
  • 26.04.2015
  • 1
  • 6
  • 67901
Бiлем анық: жанға жайлы Май сұлу,
Жарқ-жарқ еткен майда найзағай сұлу.
Қызықты орман, көңiлдi еркiн кең дала,
Күмiс табақ көкте жүзген Ай сұлу.
Кешкi ескен жiбек, жылы жел сұлу,
Хош иiстi түрлi-түстi гүл сұлу.
Әдемi аспан – төбедегi көк шатыр,
Асқар тауы, дариясымен жер сұлу.

Сылқ-сылқ күлiп сылдыр қаққан су сұлу,
Көлге қонып қаңқылдаған қу сұлу.
Бейне айнадай жарқыраған айдыннан
Күн шығарда көтерiлген бу сұлу.
Шаңқай түсте өткiр, алтын Күн сұлу,
Жымыңдаған жұлдыздармен түн сұлу.
Толып жатыр түрлi сұлу дүниеде,
Бәрiнен де маған, сәулем, сен сұлу!



Пікірлер (6)

дарига

зор шығарылған

Назым

Мағжан Жұмабаев өлеңдері әрқашан біз күн нұрына пара-пар

Уасила

керемет

0001

өте керемет!

сымбат серғазыызы

мағжан жумабаевтын олендеры зын зын

Жас қазақ

Ерболат Құдайберген осы өлеңнен сөздерді алған екенғой

Пікір қалдырыңыз

Батыр Баян

  • 0
  • 0

Жүрегім, мен зарлымын жаралыға,
Сұм өмір абақты ғой саналыға.
Қызыл тіл, қолым емес, кісендеулі,
Сондықтан жаным күйіп жанады да.

Толық

Р...ға

  • 1
  • 2

Сенсің досым, жібек мінез Жібегім,
Сені ғана сүйем - куә жүрегім.
Суық жолдан сақтайтын сен - періштем,
Сен болмасаң, азып-тозып өлемін.

Толық

Жарым

  • 1
  • 3

Кердең-кердең жүресің сен, не таптың?
Мен айтайын - айнымайтын жар таптым.
Күндіз-түні жар қойнында жатамын,
Естімеймін уын-шуын жан-жақтың.

Толық

Қарап көріңіз