Өлең, жыр, ақындар

Отардағы от

  • 26.07.2019
  • 0
  • 0
  • 959
Батуға да
Таяп қалды күміс күн.
Түн жақындап,
Салқын жапты құм үстін.
Жалтылдаған
Бейне қызыл көбелек,
Отардағы от,
Көзді тартты, керемет.
Шопандар да қоршай келіп отырды,
Алау-жалын кеуделерге от үрді.
Бу бұрқырап,
Шәугімге шоқ сырылды,
Шайдың иісі қытықтайды мұрынды.
Төңіректе – толған түнгі дауыстар:
Түлкі, қарсақ шәуілдейді алыстан.
Қараңғыда
Сусыл қағып қанаты,
Ақырындап
Құстар ұшып барады.
Тыныштықпен алмастырып ыстығын,
От басында қоюлана түсті түн.
Түннің қара алақаны алымды
Ұмтылады
Өшірмек боп жалынды.
Түн тұнжырай түскен сайын неғұрлым,
От өрекпіп,
Жарқырайды соғұрлым.
Түн түнеріп,
Көрсетсе де қыспағын,
Жеңе алмайды жалын атқан дұшпанын.
Бірте-бірте жұлдыз сиреп келеді,
Тыныштықта,
Ұйқыға отар енеді.
Секілденіп
Дамыл алған көбелек,
Отардағы от та сөнді,
Не керек.



Пікірлер (0)

Пікір қалдырыңыз

Бүгінгінің шындығы

  • 0
  • 0

Бабам ертегі айтыпты
Ұшқыр кілем жайында.
Бір сәтте ұшып қайтыпты
Барар жолды айында.

Толық

Қосылу мен айырылу

  • 0
  • 0

Дүниенің ақ-қарасын біле-біл,
Өміріңді барша мәнді сүре біл.
Күн мен түннің алмасқаны секілді,
Қосылу мен ажырасу – бұл өмір.

Толық

Көктем, көктем – махаббаттың жаршысы

  • 0
  • 0

Көктем, көктем – махаббаттың жаршысы,
Сенде алғаш әнге басып таң құсы.
Сенде алғаш отты еріндер өбісіп,
Сенде алғаш жалын атқан жан күші.

Толық

Қарап көріңіз