Өлең, жыр, ақындар

Шыңдағы шынарым-ай

  • 28.07.2019
  • 0
  • 0
  • 5905
Әнін жазған Гүлнар Дәукенова

Түсіме енесің де,
Жақындап келесің де,
Кетесің сағымданып,
Әлде бұл елесің бе?
Мен жалғыз қала берем
Махаббат кемесінде,
Шыңдағы шынарым-ай,
Қол жетпес құмарым-ай!
Тәнімді тербегендей,
Жанымды емдегендей.
Бір күш бар таңғажайып,
Сен десе селдегендей.
Бейтаныс бақыт құсым,
Сезінші сен де мендей.
Шыңдағы шынарым-ай,
Қол жетпес құмарым-ай!
Бір шың бар арамызда,
Бір сыр бар санамызда.
Тек сырттай ғашық болып,
Тіл қатпай қаламыз ба?
Табысып әлде біздер,
Бақытты боламыз ба?
Шыңдағы шынарым-ай,
Қол жетпес құмарым-ай!



Пікірлер (0)

Пікір қалдырыңыз

Мұңайма

  • 0
  • 0

Анау әйел түрімен
Көрікті деп мұңайма.
Талай ерді тілімен
Ерітті деп мұңайма.

Толық

Альбомға

  • 0
  • 0

Алдыңдағы альбомым –
Көзді тартпақ көктемім.
Жатыр сонда бар жолым,
Көрсең ашып беттерін.

Толық

Сусамыр

  • 0
  • 0

Жаздыгүні жайлауда жүрдің бе сен?
Төкпе жорға теңселтіп міндің бе сен?
Көкпар тартып, қыз қуып, қымыз ішіп,
Жан құрбыңмен жайрандап күлдің бе сен?

Толық

Қарап көріңіз