Өлең, жыр, ақындар

Аққуым өзің болшы

  • 28.07.2019
  • 0
  • 0
  • 1616
Әнін жазған Медеу Арынбаев

Ақындары Шығыстың жырлаған
Арулардың бірісің.
Бұлбұл үнін тамсана тыңдаған
Иран бақтың гүлісің.
Түн ұйқымды өзіңсің ұрлаған,
Қашты мазам, тынышым.
Сеніменен сүйкімді бұл ғалам,
Қиялымның күнісің.
Тал бойыңда – Шығыстың әдебі,
Үлбіреген гүл өңің.
Талай жігіт сыртыңнан дәмелі,
Оңай емес – білемін.
Кім сүймейді аруды әдемі?
Күйіп-жанды жүрегім.
Бір өзіңе тәуелді бар емі,
Өзің жаз деп тіледім.

Қайырмасы:
Айналайын, айналайын,
Бақытқа бөлеген кезім болшы.
Айдының боп аймалайын,
Аққуым өзің болшы.

Айналайын, айналайын,
Өзіңе асыға ұшайын да.
Аспаның боп аялайын,
Ынтыға құшайын да.
Көрген күннен армандап келемін,
Сипасам деп шашыңды.
Аңсап күткен ғашығым сен едің,
Жүзіңнен нұр шашылды.
Саған ғана сыйласам деп едім,
Әлемде бар асылды.
Өзің ғана өмірде сенерім,
Иіп өтем басымды.

Қайырмасы.



Пікірлер (0)

Пікір қалдырыңыз

Бақалар патшалығы

  • 0
  • 0

Немересіне еркелі,
Атасы айтты ертегі:
Жіберсе патша қателік,
Не болар елдің ертеңі?

Толық

Аялдама

  • 0
  • 0

Бір қызды мен көріп қалдым, аялдама,
Көрген сәттен ерікті алды, аялдама.
Кері айтып оралғанша, аялдама,
Кетіп қапты, амал канша, аялдама.

Толық

Асқақ арман

  • 0
  • 0

Асқақ арман, аңсаған үміт әнім
Қалай ғана мен сені ұмытамын?
Жанарыңның жарқ еткен жалынына
Жабырқаңқы жанымды жылытамын.

Толық

Қарап көріңіз