Ел толғауы
- 0
- 0
Бас қамын жалғыз жасаған,
Жапалақ жатыр жауында.
Дауылдан туған жас қыран,
Шарықтап ұшар дауылда.
Аттың сыны
Атақты атбегі, ғалым Бошай КітапбаевқаЕнеден қарабайыр текті туған –
Бәйге аты қаны толық болсын будан.
Желіксе ескен желге салсын әлек,
Перідей сары белден сағым қуған!
Аршын төс барлықпастай еркін келсін,
Тік түяқ тірсекке имек серпін берсін.
Таралса құлан-құйрық соққан желден,
Маңдайда аю-кекіл желпілдесін.
Омырауы бостау келсін алқам-салқам,
Аяғын тыпырламай, бассын алшаң.
Есік пен төрдей болып керілгенде,
Көрінсін инеліктей алыстасаң.
Кекжисін қырым ет жоқ кербез басы,
Ашсаң тіс, білінбесін оның жасы.
Ұласып шоқтығына жоны тұтас,
Күпшектей болсын ірі қабырғасы.
Танауы ақбөкендей желбіресін,
Селеудей жібек жалы селдіресін.
Үстіне ер саларда, төңкеріліп,
Нәркес кез толып назға, мөлдіресін!
Апта емес, суытуға ай шыдасын,
Қамау тер қабырғадан тамшыласын.
Тартуға шылбыр бермей қиқу шықса,
Құлағын қоянға ұқсап қайшыласын.
Қос тартпа жібіп терден, талыстансын,
Айылын аш қарынға шалыс салсын.
Жарыста жүз жүйрікке жұтқызсын шаң,
Бапкері көтбасардың намыстансын!
Пікірлер (0)
Пікір қалдырыңыз
Ескерткіштің бәріне
- 0
- 0
Ескерткіштің бәріне
Әуестенгіш жолаушым,
Жолың түссе зәуіде,
Бұрылып бәлки соғарсың.
Табиғат жұлдыздардан шашу шашып
- 0
- 0
Табиғат жұлдыздардан шашу шашып,
Шалғайдан Айды қойған көлеңдетіп.
Киініп жасыл киім болған ғашық
Жер шары өзендермен өлеңдетіп.
Қарап көріңіз
Басқа да жазбалар
Пікірлер
-
Димаш
Керемет өлең! -
Нұлан
осындай ертегілер ұнайды -
Арайлым
қызық ертегі екен -
Сезім
Детский екен
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі