Өлең, жыр, ақындар

Өткінші, бәрі де өткінші...

  • 16.03.2021
  • 0
  • 0
  • 1856
Дауыл да, дауың да, тайталас,
Жауын да, жауың да, бағың да,
тағың да – бәрі де,
Бәрі де өткінші!
Өткінші дегенге көнбесең, жағалас,
майдан аш!
Оның да өткінші!!!
Тынады дауыл да ұшырып болғасын,
Тынады дауың да – әділді әділет қолдасын!
Тынады тайталас – біреуі тізесін бүккесін,
Біреудің жігерін құм етіп үккесін.
Тынады жауын да... шаң біткен
жер қауып болғасын,
Тынады жауың да шегініп,
өзгертсең шекара нүктесін!
Бағың да таяды басыңнан, тағыңнан тайған күн.
Көрдің бе, бәрі де өткінші, ендеше,
жамандық басыңнан өтпестей,
бақ-дәулет қасыңнан кетпестей,
несіне байландың!
Өтсінші, бәрі де кетсінші!
Баянды, мен білсем, бақилық, ақырет –
Бәрінің сұрауы болғанмен,
Жар ием, сұраудан мүдірмей өтуге жақын ет.
Несібе адалдан бұйырт та,
Кедей қыл, тақыр ет –
байлықты дүние десеңіз.
Білімде кетпесін есеміз,
Бұйырсын тек қана
имансу құйылған кесеміз!



Пікірлер (0)

Пікір қалдырыңыз

Тас дейміз-ау тасты біз...

  • 0
  • 0

Тасқа жазу қалдырған
тарихымда бабалар...
Жеткізсін деп ұрпаққа,
күн туғанда саралар.

Толық

Қала үрдісі

  • 0
  • 0

Қала үрдісі,
жағдай басқа ... көрші мұнда көршімен
Сөйлесуге құлықты емес. Аңдысып,
көз қиығын әзер салар байқатпай,

Толық

Күнім менің

  • 0
  • 0

Есіңде ме,
Түйдек ой тұтқиылдан
атойлап мазамды алып,
мүдірген сәттерімде,

Толық

Қарап көріңіз