Өлең, жыр, ақындар

Сен үшін, жаным

  • 28.07.2019
  • 0
  • 0
  • 3472
Әнін жазған Медеу Арынбаев

Өмірімді,
Көңілімді
Арнадым саған.
Бір ән болып,
Қыран болып,
Самғадым саған.
Шыңдардан да,
Сындардан да
Сүрінбей өттім.
Таң нұры боп,
Ән-жырым боп,
Күлімдей жеттің.

Қайырмасы:
Сен үшін, жаным, көктемде,
Гүл іздедім бөктерде.
Сағыныш лебі өпкенде,
Айналдым әппақ кептерге.
Сен үшін, жаным, көктемде,
Дауысым талып жеткенше,
Өзіңді құшып-өпкенше,
Шыдам-тағат жоқ менде.

Тілдесуге,
Жүздесуге,
Асықтым саған.
Таппай тыным,
Мақтайтыным –
Ғашықпын саған.
Шаттансам да,
Мақтансам да,
Сен үшін, жаным.
Тербейтұғын,
Өлмейтұғын
Өзіңсің әнім.

Қайырмасы.



Пікірлер (0)

Пікір қалдырыңыз

Маймыл

  • 0
  • 0

Мейлі қанша терлегін,
Жұрттан тілей көрмегін
Мадақ, алғыс, жақсы баға бергенін,
Зая кетіп жатса егер де еңбегің.

Толық

Кітап сауда

  • 0
  • 0

Кітап деген бұл күнде
Алтыннан да құндырақ.
Қол жетпейді шіркінге,
Көзден ұшты бұлдырап.

Толық

Бұлт

  • 0
  • 0

Күн шыжғырған кең даладан тандырдай
Жөңкіле кеп ауды Бұлт.
Еш болмаса бір тамшы да тамдырмай,
Көк теңізге бара сала жауды Бұлт.

Толық

Қарап көріңіз