Өлең, жыр, ақындар

Махаббатым – әнім

  • 28.07.2019
  • 0
  • 0
  • 2490
Әнін жазған Ренат Ғайсин

Махаббат – әсем әнім менің,
Әсем әнім менің – махаббат.
Қарақат көздеріңнен сенің
Шашылады шуақ шапағат,
Махаббат – әсем әнім менің.
Қиялымсың,
Күй-әнімсің.
Шыңдағы дара
Шалқыған шынарымсың.

Қайырмасы:
Арайлы алтын таңдарда
Сенен артық жан бар ма?
Аяулым менің,
Арайлым менің
Айналдың ән-арманға.

Мынау алтын таңдарда
Сенен артық жан бар ма?
Аяулым, әнім,
Асылым, жарым,
Айналдың ән арманға.
Арманымсың,
Жан жарымсың
Жалғанда.

Сен ғана – махаббатым әнім,
Махаббатым әнім – сен ғана.
Қызықты өмірімнің мәнін
Сен деп ұқтым, жаным, мен жаңа,
Сен ғана – махаббатым әнім.
Тебірендім,
Емірендім.
Өмірлік сенің
Әнің боп төгілемін.

Қайырмасы:

Мынау алтын таңдарда
Сенен артық жан бар ма?
Аяулым, әнім,
Асылым, жарым,
Айналдың ән-арманға.
Арманымсың,
Жан жарымсың
Жалғанда.



Пікірлер (0)

Пікір қалдырыңыз

Ерке күшік

  • 0
  • 0

Үйінен шықса далаға Жүсіп,
Орнынан атып тұрады күшік.
Еркелеп келіп асылады оған,
Жатады кейде аяғын құшып.

Толық

Кербақпай

  • 0
  • 0

Ерте, ерте, ертеде,
Ешкі жүні бөртеде.
Жаттым ұзақ ойланып,
Оранып ап көрпеге.

Толық

Жазғы демалыста

  • 0
  • 0

Жаз келеді жайып құшақ
Каникулға аттандық.
Қандай қызық бақытты шақ
Талай істер атқардық.

Толық

Қарап көріңіз