Өлең, жыр, ақындар

Шипа

  • 29.07.2019
  • 0
  • 0
  • 2060
Мен бүгін бір адамды қуандырдым,
Сен-дағы серік болып қуан, құрбым.
Сол жанның жалын ойнап жанарында,
Көзінен ғайып болды буалдыр мұң.
Айықпас ауруға ол шалыныпты,
Қайғырып, уайымға салыныпты.
Дертіне дауа таппай,
Дәрігерге
Құтқар деп бұл бәледен, жалыныпты.
Дәрігер дәрі берген,
Аянбаған,
Аурудың асқынғанын баяндаған.
Өмірден күдер үзген сол пенденің
Болды тез мүшкіл халі аян маған.
Кеселі күдік пенен үрейде екен,
Екеуі екі жақтап ірейді екен.
Жаутаңдап жап-жас жігіт,
Жанға шипа
Боларлық жылы бір сөз тілейді екен.
Тап басып тамырынан,
Қуат бердім,
Жанына жадыраған шуақ бердім:
«Ешқандай кеселің жоқ,
Күдік қана,
Моюы мүмкін емес қуатты ердің!
Өмірдің ырғатылар бір гүлісің,
Көңілдің жырға құмар бұлбұлысың.
Құлпырып жайнайсың да, сайрайсың да,
Тірліктің баға жетпес бір күні үшін...»
Бойдағы бар күдігі былай қалып,
Сенімді сөздерімнен шын айналып,
Сол жанның жалын ойнап жанарында,
Дидары сала берді шырайланып.



Пікірлер (0)

Пікір қалдырыңыз

Шаруа мен қарақшы

  • 0
  • 0

Басымызға қайғы бұлты төнгенде,
Құтқарғанға бас июге дайынбыз.
Қиын сәтте шындап көмек бергенге
Жаманшылық жасауымыз жаман-ақ:

Толық

Қиын түйін

  • 0
  • 0

Салып жатыр үйлерді,
Салып жатыр,
Ебі барлар пәтерді алып жатыр.
Амалым жоқ, айлам жоқ,

Толық

Құдайым сені ғажап мүсіндеген

  • 0
  • 0

Құдайым сені ғажап мүсіндеген,
Оны ешкім менен артық түсінбеген.
Қадалып біреу саған қарай қалса,
Өң түгіл қызғанамын түсімде мен.

Толық

Қарап көріңіз