Сен мені жамандадың

Сен мені жамандадың,
Сырымды бергенім жоқ.
Сүрінбей аман қалдым –
Сыныңнан өлгенім жоқ.
Таныттың тарлығыңды,
Қайырым көргенім жоқ.
Алдамшы, ал бүгінгі
Сөзіңе сенгенім жоқ.
Жалғыз-ақ жанашырым
Тынымсыз еңбегім боп,
Арындап анағұрлым,
Өзіңнен өрледім көп.
Қалдың сен қалыпта бір,
Қызғаныш ермегің боп.
Тартынып тарықпа құр,
Жүргем жоқ жерлегім кеп.

---