Өлең, жыр, ақындар

Ауылдағы ағалар

  • 02.08.2019
  • 0
  • 0
  • 1963
Ауылдағы ағалар, армысыңдар?
Дарқан көңіл қалыпта бармысыңдар?
Өздеріңді ойласам сағынышпен,
Көз алдыма келеді қарлы шыңдар.
Бұлақ болып бір тынбай ағасыңдар,
Барар жерді бұлжытпай табасыңдар.
Елдік пенен жаралған ерлік үшін,
Жандарыңда жаз жайлау жарасым бар.
Қысылғанда – қамқоршы панасыңдар,
Адасқанда – жол сілтеп бағасыңдар.
Дастарқанға шашылып бар асылдар,
Барған сайын шабылып қаласыңдар.
Кезек-кезек шақырып, қонақ қылып,
Сыйластықпен қуана қол ап тұрып,
Қимастықпен шығарып саласыңдар,
Ықылыспен от құшақ орап тұрып.
Өмірлері өнеге, жатқан аңыз,
Ағаларға ардақты мақтанамыз.
Алдарына аңсап бір барған сайын,
Айрықша бір сезіммен аттанамыз.



Пікірлер (0)

Пікір қалдырыңыз

Мейрамбекке

  • 0
  • 0

Ей, Мейрамбек, Мейрамбек,
Тартушы едім тумам деп.
Сырт айнала бересің,
Бар билікті жиған боп.

Толық

Сен жатырсың құшағында ұйқының

  • 0
  • 0

Сен жатырсың құшағында ұйқының,
Мен отырмын қарауылдап үй түнін.
Тамылжыған тыныштықты тілгілеп,
Көңілімде көрмейді бір күй тыным.

Толық

Тойымсыздың тәбеті

  • 0
  • 0

Ала берсем, ала берсем,
Қалтама сала берсем.
Лауазымды аға көрсем,
Қол қусырып бара берсем,

Толық

Қарап көріңіз

Басқа да жазбалар