Өлең, жыр, ақындар

Арайлап күнім, таң атты

  • 13.04.2022
  • 0
  • 0
  • 2162
Арайлап күнім, таң атты,
Аштым бір тағы парақты.
Жырымды менің тыңдады,
Көзі бар досым қарақты.
Арайлап тағы атты күн,
Шырағын атты жақты күн.
Тумайды екен өмірде,
Күннен асып бақ бұрын.
Туады бақыт күнменен,
Шомылып шалқып нұрға енем.
Бұдан да артық бақ бар ма,
Жайылып жатқан гүлді әлем.
Далам да батқан шуаққа,
Тауым да мінген қуатқа.
Жайнаған нұрмен жылқышы
Атын байлап суатқа.
Көкорай шалғын гүл шықты
Таңғы әсем нұр шықты.
Осылай тағы өмірде,
Таңым атып, күн шықты.
Таңның өлең – дастаны
Шуақ төгіп шашқаны.
Таңғы шыққа бет жуып,
Күнім жұмыс бастады.
Қысқарар бойы түскі шақ
Көлеңке баурын ішке сап,
Қайырлы таң, ақ таңым
Алтын күнім, іске сәт!



Пікірлер (0)

Пікір қалдырыңыз

Күре жол

  • 0
  • 0

Жолдар бар қосылатын әр елдегі,
Көрмеген жолдар қанша әлемдегі,
Күре жол бойындағы сол кездесу,
Өмірдің бір қызығын дәлелдеді.

Толық

Жаныма жан сырымды жолдас еттім

  • 0
  • 0

Жаныма жан сырымды жолдас еттім,
Темекі у қайғыны жолда шектім.
Үмітпен арманыма жетем деген,
Бойында жігер болмай болмас екпін.

Толық

Дені сау адамдарға өмір — Жұмақ

  • 0
  • 0

Дені сау адамдарға өмір — Жұмақ,
Кәусардай мөлдірейді көңіл — бұлақ.
Кеуденің сәулесіндей көз-жанары,
Тірліктен жайнап өтер небір шырақ.

Толық

Қарап көріңіз

Басқа да жазбалар