Өлең, жыр, ақындар

Суықтау екен түнгі ызғар

  • 13.04.2022
  • 0
  • 0
  • 618
Суықтау екен түнгі ызғар
Қалтырап тоңған жұлдыздар.
Көктем мен жазда ерімес,
Кеудемде менің мұң мұз бар.
Жарқырап жанған жолымда –
Батырдың оң мен солындай.
Кеудемде менің мұз қатқан,
Таудағы шыңның тоңындай.
Мұңым көп бәрін білемін,
Таулар мен бұлты тірегім.
Ерісе селім қаптайтын,
Мұзды мұхит жүрегім.
Ойларым көсір мол батпан,
Жүрегім мұхит толғатқан.
Шуақтап кейде жүргенмен,
Кеудемде кесек тоң қатқан.
Ұнат мейлің ұнатпа,
Көз берген екі шыраққа,
Ерісем кетем айналып,
Мөлдір де мөлдір бұлаққа.
Өзім де өзім сезем де,
Бөлінем дәуір кезеңге.
Ерісем кетем айналып,
Ие де бермес өзенге.
Көңілім дана қария,
Шуақты шашар әр ұя.
Ерісем кетем айналып,
Боламын шалқып дария.
Бас иіп ұлы тәңірге,
Сидырам бәрін көңілге.
Дария боп жетіп теңізге
Өзен боп құям өмірге!



Пікірлер (0)

Пікір қалдырыңыз

Табиғат

  • 0
  • 0

Табиғат неткен қатал ең!
Жапырақ жайса бүрлерді,
Жұлқылап жұлды жел неге?
Ғұмырын қысқа гүлдердің

Толық

Теңізде де шөлдедім

  • 0
  • 0

Арал – теңіз! Айналасы шөл дала,
Қорғанышы – үлкен-кіші көл ғана.
Жалаңаяқ теңіз кештім жас кезде,
Бала шақтан құмын кештім толғана.

Толық

Күйшінің құлағы

  • 0
  • 0

Күйлерден сылқым әуен назды естігем,
Қаңқылдап ұшқан аққу-қазды естігем.
Өзіндік ерекше бір күйші әлемі,
Өзінен ерте туған сазды естіген.

Толық

Қарап көріңіз