Өлең, жыр, ақындар

Сары арқа, салқар сағым далам-ай

  • 02.01.2021
  • 0
  • 0
  • 550
Сары арқа, салқар сағым далам-ай,
Толқын да толқын көзді арбар.
Көлге бас қойып дамылдағандай,
Жезкиік қырлар, жез таулар.
Балқашты көлдің бал құрағындай,
Балбырауындай балдәурен.
Жағаңнан тапқан жан құмарымды-ай,
Шағалаң болдым самғаумен.
Ғаламдық сонар сапарда құрбан,
Ақбөкен арман — шер бұққан.
Саф алтын мысың жаһанға ағылған
Жезкиіктер ме еді жер жұтқан?!
Желбезегіне жебе қадалған,
Алабұғадай арманым.
Батыр бабамның төбеде қалған,
Мұраты — мирас, жалғарым.
Шағала құмға салған ұяның,
Арманай — әні, ары — дем.
Пейілі шалқар ел дарияның,
Қаракөз* атты балығы ем.
Қаракөз халық, қаракөз балық —
Ақ толқын сүйген ардағым.
Анталап аңдыр алакөз-қауіп,
Қаптырмасыншы қармағын.
Жезкиік қырлар, кенді бөктерлер
Төрі атансын деп ғаламның.
Толқыны болайын елжіреп тербер
Балқаштай қалқа-қаламның!..

*Қаракөз балық – орысша вобла. Балқаш бассейнін мекендейтін алабұға тұқымдас балық



Пікірлер (0)

Пікір қалдырыңыз

Кісікиік

  • 0
  • 0

Бала күнді еске аламын жиі мен,
Сол кезден-ақ мұңлы кісікиік ем.
Күн астында күреңітіп жүретім,
Кеудемдегі кәрі қобыз күйімен.

Толық

Күз

  • 0
  • 0

Күз келді, міне, қалаға,
Сағыныш түсті сары қымыз толмай сабаға,
Найқалған көштің нараду соңы шұбалып,
Боздап келеді сіңірі үзілген нар-аға.

Толық

Абақты. Декабрист

  • 0
  • 0

Құбыла бетті қан жапты,
Күн екен сөнген өртеніп.
Көктегі анау шаңдақты
қызыл нұр барад көмкеріп.

Толық

Қарап көріңіз