Амантай кім?

Амантай кім? –
Қалаулысы халқының,
Қашан көрсең, ашық мінез, жарқын үн.
Ауырмасын деп аяулы адамдар,
Алаңдаумен өткізеді әр күнін.
Амантай кім? –
Сүйіктісі жалпының.
Өркендеткен ғылымдағы қарқынын.
Ең бастысы – денсаулығы адамның,
Керек емес оған күміс, алтының.
Амантай кім? –
Көзін салып Қырымға,
Шарықтаған шырқау шындық шыңында.
Адамдардың амандығын ойлаумен,
Өзін-өзі ұмытқан жан шынында.
Амантай кім? –
Кеудесінде мол арман,
Бақытты жан болашаққа жол алған.
Арттағылар қалмасын деп дертті боп,
Өліп барып, о дүниеден оралған.
Амантай кім? –
Алға тартып шеруі,
Алып шыққан бір Аллаға сенуі.
Өзгелердің тіршілігі – тынысы,
Мұндай жанның мүмкін емес өлуі.
Амантай кім? –
Асылдардың асылы,
Айнымаған алшысынан асығы.
Амантайлар аман болсын әманда,
Аялайды оны алтын ғасыры

---