Өлең, жыр, ақындар

Қой үстінде бозторғай

  • 06.08.2019
  • 0
  • 0
  • 1761
Қой үстінде бозторғай
Ұя салған кездер-ай.
Айтылмаған сөз қалмай,
Ұға салған кездер-ай.
Кішілері әр кезде
Үлкендерін сыйлаған.
Қайда, қайда сол кездер?
Кімдер бүгін сыйлы адам?
Ал, жігіттер бұл күнде
Салынған бос селтекке.
Не боп кеткен, шіркіндер?
Әйел ме, әлде еркек пе?.
Қыздар нәзік десе де,
Айылдарын жимайды.
Әттең, әттең, көшеде
Тән сатқаны қинайды.
Ақиқатты табам деп,
Сансырадым, сабылдым.
Мынау қандай заман деп,
Аңтарылдым, аңырдым.
Қиындақ жоқ жеңбейтін,
Күдіктерден арылдым.
Өмірбақи өлмейтін
Үміттерге табындым.
Кейде құлап, жаңылдым,
Жүріп өткен жолымда
Бәрін, бәрін сағындым.
Бәрі тағдыр қолында.



Пікірлер (0)

Пікір қалдырыңыз

Тамада

  • 0
  • 0

Қазақ қойсыз болмайды,
Қойсыз болса да, тойсыз болмайды.
Шілдехана, сүндет той,
Мектепке бару міндет той,

Толық

Еркетай өскен елік пе ең?

  • 0
  • 0

Еркетай өскен елік пе ең?
Көктеммен қатар келіп пе ең?
Айрықша артық көрікпен
Айырдың мені еріктен.

Толық

Мұрттың мәні

  • 0
  • 0

Сәндемек боп сырт бойды,
Мәкең бірде мұрт қонды.
Күрт жымия қарасып,
Түкпірдегі түртті ойды.

Толық

Қарап көріңіз