Өлең, жыр, ақындар

Он алтыншы желтоқсан

  • 07.08.2019
  • 0
  • 1
  • 8430
Еркін өскен ертеден ел екенбіз,
Кең даладай мейірлі, кең екенбіз.
Байлықпенен жарасқан берекеміз.
Көп қой біздің думан-той, мерекеміз.
Көкпар тартып, бәйгелеп қыр басында,
Думандатып тойлаймыз жыл басын да.
Дүниеге іңгәлап бала келсе,
Туған күнін тойлаймыз, бір жасын да.
Айта берсек термелеп, тойымыз көп,
Тойға сояр ту бие, қойымыз көп.
Тойлап жатсақ әр күнді қуанышты,
Тоқтау салмас ешкім де қойыңыз деп.
Тойы бар ғой тойдың да жарқылдаған,
Халқымыздың қадамы қарқындаған.
Қой ұстіне бозторғай ұялаған,
Бүгінгідей қайда бар жарқын заман?
Астана етіп аялар Ақорданы,
Тәуелсіздік еді ғой ел арманы.
Жиырмасыншы ғасырда қол жеткізіп,
Ел болдық қой еңселі, кең арналы.
Он алтыншы желтоқсан – ұранымыз,
Он алтыншы желтоқсан – жыр-әніміз.
Тойламасақ бұл тойды дүрілдетіп,
Қалың елдің алдында күнәліміз.
Бұл күн үшін күрескен бабалар да,
Бұл күн үшін тірескен ағалар да.
Бұл күнді біз ерекше қастерлейік,
Өмір-өзен тоқтаусыз ағады алға.



Пікірлер (1)

Жиенәлі Толғанай

Мен толғанай.мен осы өлеңдерді жаттадым.шынымен!сіздерде жаттаңдар!өте керемет!тамаша!

Пікір қалдырыңыз

Бәйтерек баба Бәйдібек

  • 0
  • 0

Бәйдібектей батыр баба – белді ұлы,
Үйсін елі баяғыдан белгілі.
Алатау мен Қаратауды жайлаған,
Кереметтей көз жеткісіз кеңдігі.

Толық

Ай туралы аңыз

  • 0
  • 0

Ерте кезде алтын Ай
Көкте күміс Күнменен
Қатар қалқып жарқырай,
Қайғы-мұңды білмеген.

Толық

Мүмкін, сен үмітімді аз ақтарсың

  • 0
  • 0

Мүмкін, сен үмітімді аз ақтарсың,
Мүмкін, сен ақын жанын азаптарсың.
Бәрібір, кінәлауға еш қақың жоқ,
Мүсәпір жағдайымды мазақтарсың.

Толық

Қарап көріңіз