Өлең, жыр, ақындар

Басшы піл

  • 08.08.2019
  • 0
  • 0
  • 1320
Болғанымен күшті кім,
Болса, бірақ, санасыз,
Әрі жұмсақ мінезді – бәлеге одан қаласыз.
* * *
Келді орманға басшы болып күшті Піл.
Ақылды деп айтқанымен Пілдерді,
Жанұяда болмай қоймас бір кемдік:
Иә, біздің Піл шенді,
Толық еді тегінен,
Бірақ та, ол емес-тін қарапайым тегіннен.
Шыбынды да налытпайтын Піл еді,
Сол басшымыз көріп отыр, міне, енді,
Қойлардан кеп арыз түсті тақсырға:
«Терімізді сылып бітті Қасқырлар».
«О, суайттар! – ақырды Піл, – сұмдық бұл!
Кім сендерге деген еді ұрлық қыл?
Аямаймын мұндайды».
Ал, Қасқырлар деді: «Әке, кешіргін,
Қойдан сылып ал деген бұйрығың ғой өзіңнің.
Ақымақтар неге сонша шулайды?
Әр бірінен бар-жоғы бір тері алсақ, өлмейді,
Соның өзін бергілері келмейді».
«Олай болса, – деді басшы, – барыңдар,
Жалған сөзге жаным қарсы, тұрмаңдар!
Бір теріден болса болсын – алыңдар,
Одан артық қылшығын да жұлмаңдар».



Пікірлер (0)

Пікір қалдырыңыз

Алыста сенің тұрағың

  • 0
  • 0

Алыста сенің тұрағың,
Көрмедем, қалқам, көп айлар.
Жайқалтып жасыл құрағын,
Жапырақ жайды тоғайлар.

Толық

Қол

  • 0
  • 0

Менің қолым керемет,
Саусақтарым сиқырлы.
Шегені де шегелеп,
Тарта білер күй түрлі.

Толық

Жүректе Алматы

  • 0
  • 0

Керемет көркіңменен
Сұлулықтың бар екенін тез ұқтым.
Ғашықтық өртіменен
Өзіңменен бақ ішінде кезіктім.

Толық

Қарап көріңіз