Өлең, жыр, ақындар

Бозбала

  • 23.08.2019
  • 0
  • 0
  • 2001
Әнін жазған Ерболат Құдайбергенов

Он алтыда ер бала
Атанады бозбала.
Толағайдай толғана,
Толықсиды тез ғана.
Құлпырмайтын қыз бар ма,
Күлімдейді көз жана.
Қырындамай қыздарға,
Жүре алмайды бозбала.

Қайырмасы:
Ей, бозбала, бозбала,
Көңіл күйін қозғама.
Сұлулардың жүрегін
Жібітеді сөз ғана.
Айта алмасаң асыл сөз,
Атанарсың өз ғана.
Ей, бозбала, бозбала,
Батылданғын тез ғана.

Жігітпін деп желікпе,
Ей, бозбала, бозбала.
Құлап түспей көрікке,
Есіңді жи тез ғана.
Жібек жаптым дегенің,
Болып шығар бөз ғана.
Алтын таптым дегенің,
Болып шығар жез ғана.

Қайырмасы.

Ей, бозбала, бозбала,
Өзгелерден озба да.
Көрінгенге көз салып,
Ерте бастан тозба да.
Ей, бозбала, бозбала,
Туды нұрлы кез жаңа.
Ата-ананы қуантып,
Қосылайық тез ғана..

Қайырмасы.



Пікірлер (0)

Пікір қалдырыңыз

Ей, аға

  • 0
  • 0

Ей, аға, мен несіне өкпелейін,
Еркің ғой десең-дағы жек көрейін.
Талантты бір інім деп таныған соң,
Өзіңді құрметтедім көпке дейін.

Толық

Бір күшік пен бір құрлық туралы ертегі

  • 0
  • 0

Түрлі-түрлі ертегі
Тұла бойды ерітеді.
Түні бойы тыңдаймыз,
Қасып қойып желкені.

Толық

Ерсейіттің етігі

  • 0
  • 0

Шаң жуытпай, қасиетпен, қастермен,
Хром етік киіп келген әскерден.
Сықырлайтын ары-бері жүргенде,
Ерекше етіп Ерсейітті басқа елден.

Толық

Қарап көріңіз