Өлең, жыр, ақындар

Бір құдайдан тілеймін ғұмырымды

  • admin
  • 09.08.2024
  • 0
  • 0
  • 637
Бір құдайдан тілеймін ғұмырымды,
Ғұмыр берсең кірсіз қыл көңілімді.
Имансыздың көрінде от жанады,
Отқа салсаң көремін не күнімді?!
Бір құдайдан тілеймін əуелі иман,
Иманымнан айрылсам көрге сыйман.
Бес уақыт намазымды қаза қылма,
Қарынбайды жер жұтты дүние жиған.
Бір құдайдан тілеймін мал-басымды,
Мал менен қартайтып ал жүз жасымды.
Өлерімде ауызыма иманым сал,
Білгенмін бұл өлімнен қалмасымды.
Бір құдайдан тілеймін иман, ғақыл,
Ақылсыздан əрбір ісім өтті ғафыл.
Ораза ұстап, бес намаз оқығанның
Ол дүниеге барғанда ісі мақұл.
Біреуге ерте келеді, біреуге кеш,
Ертелі-кеш өлімнен қалмады һеш.
Өлім қойса, кəрілік жас қоймайды,
Екі айналып келсе де жиырма бес.



Пікірлер (0)

Пікір қалдырыңыз

Жақсы, жаман адам туралы

  • 0
  • 7

Жақсыны алыс, жаманды жақын көрме,
Жақсы атансаң, басқаның хақын жеме.
Жақсымын деп момынның малын жеме,
Жаман адам сол болар, мақұл деме.

Толық

Мен келдім алпыс жастың бесеуіне

  • 0
  • 0

Мен келдім алпыс жастың бесеуіне,
Не жиып, не жетпейміз нешеуіне.
Құдайым иман бергей, бір қаза бар,
Шал Құлекеұлы

Толық

Мекке менен Медине жолдың ұшы

  • 0
  • 0

Мекке менен Медине жолдың ұшы,
Алыс сапар дейді ғой барған кісі.
Ата менен анаңды құрметтесең,
Шал Құлекеұлы

Толық

Қарап көріңіз