Өлең, жыр, ақындар

Ерасылдың «ерліктері»

  • 23.08.2019
  • 0
  • 0
  • 1749
(Пародия)

Ерасыл нағыз «ер» екен,
Кім басқаша дер екен?
Қаражатты мол тауып,
Парламентке жол тауып,
Депутат боп сайланды,
Көңілі бір жайланды.
Сәлден соң сол сабазың
Белсендіге айналды.
Сөз төркіні астарлы,
Бәрі тілден басталды:
«Ақылы асқан данамыз,
Айтқан Абай бабамыз:
Орыс тілі құдірет,
Дүниенің кілті деп.
Тілін білсең орыстың,
Жол ашылып, толыстың»...
Бізге берген қол ұшын,
Орыс тілін сол үшін,
Өле-өлгенше жақтаймыз,
Одан жақын таппаймыз...
* * *
Сол Ерекең ер екен,
Тағы да не дер екен?
Шеттен келсе оралман,
Не күтеміз олардан?
Орыс тілін үйренсін,
Сөйтіп, біздің күйге енсін...
* * *
Сол Ерекең ер екен,
Тағы да не дер екен?
Өз аулына барғанда,
(Қазақша ұмытып қалған ба?)
Тек орысша сайраған,
Бағытынан таймаған.
Сөйлеңдер деп орысша,
Бауырларын қайраған..
* * *
Ерекең шын «ер» екен,
Кім басқаша дер екен?
Ерліктері жетеді,
Одан да әрі өтеді
Бар шығар бір есебі,
Кеңесті аңсап кешегі,
Еске алыпты Ленинді –
Пролетариат көсемін.
Билер менен хандардан
Несі оның кем дейді.
Ескерткішін заңғардан
Қоюымыз жөн дейді.
* * *
Қалмақтармен соғыста
Қырғын салса Қабанбай,
Арқа сүйеп орысқа,
Шықты Ерекең оқыста,
Мына біздің заманда-ай.
* * *
Дара шығып қатардан,
Дарабоздай ат алған.
Ерасылға лайық
Халық батыры – «Қаһарман».



Пікірлер (0)

Пікір қалдырыңыз

Бір асу бар арада

  • 0
  • 0

Арамызда бір күдік – сенбестік бар,
Арамызда бір үміт – сөнбестік бар.
Екі оттың оранған ортасында –
Арамызда, әйтеуір, дербестік бар.

Толық

Мен сені көрген сәттен

  • 0
  • 0

Мен сені көрген сәттен лаулап әр күн,
Гүл теріп тауға бардым, бауға бардым.
Білмеймін, азабың ба, мазағың ба?
Әйтеуір, жүрегімді жаулап алдың.

Толық

Тараз

  • 0
  • 1

Кернейдің үні үзіліп,
Керуен көшкен тізіліп.
Сыңғыр да сыңғыр шолпысы,
Сұлулар күлген сызылып.

Толық

Қарап көріңіз