Өлең, жыр, ақындар

Көз алдымда кешегім мен бүгінгім

  • 05.08.2019
  • 0
  • 0
  • 1171
Көз алдымда кешегім мен бүгінгім,
Өмірдің өз шындығына жүгіндім.
Екеуінің айырмасы аралық
Жер мен көктей екендігін ұғындым.
Қой соңында серігі боп Мойнақтың,
Бабаларым батты азапқа бойлап тым.
Ал, мен болсам айқара ашып есігін,
Ғұламалар ордасында ой бақтым.
Ширатылып шидем шекпен, тонға мен,
Түйе мініп, теңселмедім жорғамен.
Асфальт жолмен аңыратып қайда да
Желаяқтай жетіп бардым «Волгамен».
Жапан дүзде жарқыратып санамды,
Самаладай сансыз үйлер қаланды.
Қайда барсаң – көтеріліп көңілің,
Айырмайсың қалам менен даламды.
Қыр басына қадай салсаң көк шыбық,
Көп кешікпей нән қарағай боп шығып,
Қайда барсаң – шалқып жатқан береке
Қайран мына тыныштық пен тоқшылық.
Өмірімнен көре алмайсың кемістік,
Қиялыма қанат берді кеңістік.
Қайда барсаң – күндей күліп қарсы алар,
Адам деген ардақты есім ең ыстық.



Пікірлер (0)

Пікір қалдырыңыз

Дәрігер қыз Жұлдызға

  • 0
  • 0

Айналайын Жұлдыз,
Инеңді жай кіргіз.
Айналайын, Жұлдыз,
Дәріңді тез жүргіз,

Толық

Есек

  • 0
  • 0

Шаруаның бар еді бір Есегі,
Жоқ еді оның теріс мінез кеселі,
Беталдына мақтанбайтын желігіп.
Тоғай кезіп кетпесін деп құлдырап,

Толық

Алфавитті танып ал

  • 0
  • 0

Әр әріпті танып ал,
Сөйлеп кетсе, жаны бар.
«Әліппенің» тұтқасы –
Алфавитті танып ал.

Толық

Қарап көріңіз