Өлең, жыр, ақындар

Жебірлер

  • 28.08.2019
  • 0
  • 0
  • 922
Ауызы тыным таппаса,
Арты да тыным таппайды.
Ертеңін ойлап жатпаса,
Ондайды кімдер жақтайды?
Таң атып, күні батса да,
Алдына асты үйеді.
Жұмылып көзі жатса да,
Қимылдай берер иегі.
Ұиқыға шала батса да,
Түсінде ас деп қалтырар.
Ағарып таңы атса да,
Алдында тағы дәм тұрар.
Күн өткен сайын қарыны
Қампия берер қарасаң.
Тамаққа аран-арыны
Ұлғая берер орасан.
Күн өткен сайын ырсылдап,
Қиындай түсер жүрісі.
Қабақтай қарны тырсылдап,
Тарыла түсер тынысы.
Ойлаумен жалғыз ас қамын,
Тыс қалар қатын, бала да.
Ішу мен жеуден басқаның
Бәрі де қалар далада.
«Іше де берсем, жей берсем», –
Жалғыз-ақ аңсар арманы.
«Бере бер маған дей берсем»,
Қанағат емес қалғаны.
Адамға ұқсар беті жоқ,
Тәбетін тыйып тоқталар.
Бір түйір адал еті жоқ,
Қарыны толған боқ болар.
Құлқыны құрып тұрады:
«Жей берсем, тағы жей берсем!».
Өмірлік ұстар ұраны:
«Бере бер маған дей берсем!».
Ол да бір хайуан анайы,
Сахара сағым санасы.
Патшалық алтын сарайы –
Жалыз-ақ әжетханасы.
Кіреді соған, шығады,
Тірлігі осы күнделік.
Сөнеді сонда «шырағы»,
Қиымен сасық бірге өліп.



Пікірлер (0)

Пікір қалдырыңыз

Қора күтуші қарт

  • 0
  • 0

Көптен маған таныс еді қарт кісі,
Жүзі жылы,
Жаны жайсаң мәрт кісі.
Көрген сайын күлім қағып әкемдей,

Толық

Мүше

  • 0
  • 0

Екі аяғың сау болса,
Асулардан асарсың.
Екі қолың сау болса,
Жақсы заттар жасарсың.

Толық

Ей, аға, мені текке жек көресің

  • 0
  • 0

Ей, аға, мені текке жек көресің,
Көрінген жерде жаман деп келесің.
Өзіңнің болмағанмен аталасың,
Баланың қайдан білдің текті емесін?

Толық

Қарап көріңіз

Басқа да жазбалар