Аңыз – bagilaesenbaeva

Аңыздар бар қалып қойған аталардан,
Сыр ұққандай боласың жоталардан.
Табиғат тылсымында жұмбақ сыр бар,
Көзден ұшып кеткендей қатал арман.
Жеті қабат жерлер бар жаны жара,
Өзгешелеу көрінер көзге дара.
Батырдың сауытындай тас обалар,
Адасқанға жөн сілтер болған пана.
Шұрайлы мекен еткен жер белесін,
Қалмақтар белдестірген күш күресін.
Тарихта аңыз боп қалып қойған,
Бүгінде таныс бізге Дөң есім.
Қиял-құс, қанат бітіп шарлап келем,
Аманат жүк білгенге салмақ екен.
Құса боп іште кеткен арманыңды,
Жырыммен қалауымша жырлап кетем.